Thursday, October 6 Login

តារា​ចម្រៀង​ Lady Gaga ត្រូវ​បង្ខំ​ចិត្ត​បញ្ឈប់​​កម្មវិធី​ Concert របស់​ខ្លួន​នៅ​ក្នុង​ទីក្រុង​ Miami រដ្ឋ​ Florida កាល​ពី​ថ្ងៃ​សៅរ៍​កន្លងទៅ​ ដោយសារតែ​បញ្ហាព្យុះ​ភ្លៀងផ្គរ​រន្ទះ​។ យ៉ាងណាមិញ​តារា​ចម្រៀង​នេះ​សង្ឃឹម​ថា​ខ្លួន​អាច​នឹង​ប្រគំ​តន្ត្រី​សម្រាប់​អ្នក​គាំទ្រ​ខ្លួន​ឡើងវិញ​នៅពេល​យប់​ ប៉ុន្តែ​ជា​លទ្ធផល​នាង​ត្រូវ​តែ​លុប​ចោល​ Concert នេះ​ហើយ​សុំ​ទោស​អ្នក​គាំទ្រ​របស់​ខ្លួន​ទាំង​ទឹក​ភ្នែក​រហាម​។

«ពួកយើង​បាន​ព្យាយាម​យ៉ាង​ខ្លាំង​ដើម្បី​បញ្ចប់​កម្មវិធី​ Concert នៅ Miami ប៉ុន្តែ​មិន​អាច​ធ្វើ​ទៅ​បាន​ ទោះ​ជា​ភ្លៀង​ផ្គរ​រន្ទះ​បាន​រាំង​ហើយ​ក្ដី​ ប៉ុន្តែ​រន្ទះ​បាន​បាញ់មក​ក្រោម​ជិត​ៗ​កន្លែង​ពួកយើង​រៀបចំ​» នាង​បាន​និយាយ​ដោយ​អារម្មណ៍​ក្ដុកក្ដួល​ទៀត​ថា​ «ខ្ញុំ​សុំទោស​ផង​ ដែល​ខ្ញុំ​អាច​បញ្ចប់​ការ​ប្រគំតន្ត្រី​នេះ​បាន​។ វា​ពិត​ជា​គ្រោះថ្នាក់​ខ្លាំង​ណាស់​។ រន្ទះ​មិន​អាច​ទាញដឹង​មុន​នោះ​ទេ​ ហើយ​អាច​កើត​ឧប្បត្តិហេតុ​បាន​គ្រប់​ពេលវេលា​។»

ក្រៅ​ពី​វីដេអូ​ដែល​យំរៀបរាប់​ហើយ​នោះ​ Lady Gaga ក៏​បាន​ឡើង​ឆាក​សុំ​ទផស​ដែល​ខ្លួន​មិន​អាច​ច្រៀង​ Concert បន្ត​​ទៀត​បាន​។ អ្នក​គាំទ្រ​បាន​គាំទ្រ​ចំពោះ​ការ​សម្រេចិត្ត​របស់នាង។

«នាង​និយាយ​ថា​នាង​មិន​ដឹង​ទេថា​នាង​អាច​ធ្វើ​អ្វី​កើត​បើ​សិន​ជា​មាន​អ្វី​កើត​ឡើង​ចំពោះ​អ្នក​ណា​ម្នាក់​ មិន​ថា​អ្នក​គាំទ្រ​ ក្រុម​ការងារ​ អ្នក​រាំ​របស់​ខ្ញុំ» ខ្ញុំ​គិតច្រើន​ណាស់​ទម្រាំ​តែ​ខ្ញុំ​អាច​ទៅ​កាន់​កន្លែង​ដែល​ខ្ញុំ​អាច​សម្ដែង​ ហើយ​មាន​សុខ​ភាព​ល្អ​។ ជា​ច្រើន​ឆ្នាំ​មក​នេះ​អ្នក​ទាំង​អស់​គ្នា​ហៅ​ខ្ញុំ​ថា​ម៉ាក់ៗបិសាច​ ក្នុង​ចិត្ត​ខ្ញុំ​ ខ្ញុំ​ដឹង​ថា​វា​ជា​ការ​ល្អ​ដែល​ការពារ​សុខ សុវត្ថិ​ភាព​របស់​អ្នក​ទាំង​អស់​គ្នា​។ ជាចុងក្រោយ​នាង​បាន​និយាយ​ថា​ អរគុណអ្នក​ទាំងអស់​គ្នា​ដែល​ជឿជាក់​លើ​ខ្ញុំ​។ នេះ​គឺជា​ការ​ប្រគំ​តន្ត្រី​ដ៏​អស្ចារ្យ​បំផុត​ក្នុង​ជីវិត​របស់​ខ្ញុំ​ ហើយ​ខ្ញុំ​នឹង​ចងចាំ​ពេលវេលា​នេះ​អស់​មួយ​ជីវិត​។ «ខ្ញុំ​ចាំ​បាច់​ត្រូវ​ការ​ពេលវេលា​យូរ​ទៀត​ដើម្បី​ព្យាបាល​របួស​ដួង​ចិត្ត​លើក​នេះ​ តែ​ខ្ញុំ​ប្រាកដ​ជា​សះស្បើយ​»

Share.

Leave A Reply