នៅក្នុងសន្និសីទសារព័ត៌មាន ក្រោយចប់ការប្រកួតមិត្តភាពអន្តរជាតិ នៅរាត្រីថ្ងៃទី២២ ខែកញ្ញា ឆ្នាំ២០២២ ដែលក្រុមជម្រើសជាតិកម្ពុជា ទល់នឹង ក្រុមជម្រើសជាតិបង់ក្លាដែស លោក Ryu Hirose គ្រូបង្គោលគោព្រៃកម្ពុជាបានថ្លែងថា៖«លទ្ធផលគឺយើងធ្វើមិនសូវបានល្អ ប៉ុន្តែក៏មិនអាក្រក់ពេកដែល ពោលគឺយើងមានឱកាសច្រើន ប៉ុន្តែមិនអាចរកគ្រាប់បាន»។
គ្រូបង្វឹកវ័យ ៦៦ឆ្នាំបានសង្កត់ធ្ងន់ថា៖«ខ្ញុំជឿថាដើម្បីអាចប្រកួតប្រជែងជាបណ្តាលប្រទេសផ្សេងៗបាន កម្ពស់, មាឌ, ល្បឿន គឺជារឿងចាំបាច់បំផុត ព្រោះវាជាមូលដ្ឋានគ្រិះនៃបាល់ទាត់ ដូច្នេះកីឡាករទាំងអស់ត្រូវមានរឿងទាំងអស់នេះទើបអាចចូលរួមក្រុមជម្រើសជាតិបាន»។
ក្រុមបាល់ទាត់ជម្រើសជាតិកម្ពុជា បានបន្តចាញ់ក្រុមជម្រើសជាតិបង់ក្លាដេស ក្នុងលទ្ធផល ១-០ នៅរាត្រីថ្ងៃព្រហស្បត្តិ៍ ទី២២ ខែកញ្ញា ឆ្នាំ២០២២ លើទីលានពហុកីឡដ្ឋានជាតិមរតតេជោ ក្នុងរាជធានីភ្នំពេញ។ កីឡាករម្ចាស់អាវលេខ១១ Rakib Hossain ក្នុងនាទីទី២៣ ហើយលទ្ធផលនេះបានបន្តរហូតដល់ចប់ការប្រកួត៕