ភ្នំពេញ ៖ បងប្អូនប្រជាពលរដ្ឋមួយចំនួននាំគ្នាទៅរករថយន្តក្រុងរបស់រដ្ឋ ធ្វើដំណើរទៅស្រុកកំណើត តាមបណ្តាខេត្តរៀងខ្លួន នៅព្រឹកថ្ងៃទី២៣ ខែកញ្ញា ឆ្នាំ២០២២នេះ ដោយមិនគិតថ្លៃ នាឱកាសថ្ងៃបុណ្យភ្ជុំបិណ្ឌ។
រដ្ឋបាលរាជធានីភ្នំពេញបានបានត្រៀមរថយន្តក្រុងចំនួន ១៧៥គ្រឿង សម្រាប់បម្រើសេវាដឹកជញ្ជូនសាធារណៈដោយមិនគិតថ្លៃ សម្រាប់ឱកាសបុណ្យភ្ជុំបិណ្ឌរយៈពេល ៥ថ្ងៃ ដោយរថយន្ត ១២០គ្រឿងសម្រាប់ដឹកពលរដ្ឋពីភ្នំពេញទៅស្រុកកំណើត និងត្រឡប់មកភ្នំពេញវិញ ខណៈជាង ៥០គ្រឿងទៀតសម្រាប់ដឹកជញ្ជូនពលរដ្ឋក្នុងក្រុងភ្នំពេញ៕
អត្ថបទ៖តាតុង សែនជ័យ