Thursday, October 6 Login

ភ្នំពេញ៖បុរសម្នាក់ បេីករថយន្តសេរីទំនើបមួយគ្រឿង ក្នុងស្ថានភាពស្រវឹង បានបោះពួយយ៉ាងលឿនរេចង្កូត ទៅ បុកហោះផ្លោង ចូលធនាគារមួយកន្លែង បង្កអោយមានភាពភ្ញាក់ផ្អើលទាំងកណ្តាលអធ្រាត្រ។ ហេតុការណ៍នេះកេីត ឡេីងនៅវេលាម៉ោង ០១:៣០នាទីយប់ រំលងអធ្រាត្រ ឈានចូលថ្ងៃទី២៣ ខែកញ្ញា ឆ្នាំ២០២២ ស្ថិតនៅបណ្តោយផ្លូវជាតិលេខ២ សង្កាត់ព្រែកឬស្សី ក្រុងតាខ្មៅ ខេត្តកណ្តាល ។

សន្តិសុខ ធនាគារបានបញ្ជាក់ថា មុនពេលកេីតហេតុ គេបានឃេីញបុរស ម្នាក់ បេីករថយន្ត មួយគ្រឿងម៉ាក TOYOTA Camary ពណ៌សពាក់ស្លាកលេខ ភ្នំពេញ 2BG-9266 បេីកបរទិសដៅពីត្បូងទៅជេីង។ ស្រាប់តែមកដល់ចំណុចកើតហេតុក៏បានរេចង្កូត បោះពួយយ៉ាងលឿន បុកហោះផ្លោង ចូលកន្លែង ធនាគារ បណ្តាលអោយរថយន្ត កល់ម៉ាស៊ីនទៅមុនលែករួច និង ខូចខាត ទូដកប្រាក់ ATM។ ចំណែកឯងម្ចាស់រថយន្តវិញ នោះបាន បេីកទ្វាចុះពីលេីរថយន្ត រួចគេចខ្លួនបាត់ស្រមោល។

ក្រោយនៅពេលកេីតហេតុ សមត្ថកិច្ចជំនាញ ចរាចរណ៍ផ្លូវគោក នៃស្នងការដ្ឋាននគរបាល ខេត្តកណ្តាល បានចុះមកវាស់វែង រួចយករថយន្តទៅរក្សាទុក ដេីម្បីរង់ចាំម្ចាស់ចូលខ្លួនទៅដោះស្រាយតាម នីតិវិធីផ្លូវច្បាប់៕

អត្ថបទ៖ ទូច វិច្ឆិកា

Share.

Leave A Reply