ជាការពិតណាស់សម្រាប់អ្នកគាំទ្រម្នាក់ ការដែលមានឱកាសបានចួប ឬថតរូបអនុស្សាវរីយ៍ជាមួយនឹងអាយដលដែលខ្លួនស្រលាញ់ពេញចិត្តគឺជារឿងដ៏រីករាយមួយក្នុងជីវិត។ មិនខុសពីអ្នកគាំទ្រផ្សេងៗ ពូឈីវ បានបង្ហាញក្ដីរំភើបនិង រីករាយចំពោះឱកាសមួយនេះជាមួយនឹងអាយដលដែលខ្លួនគាំទ្រ។
អានអត្ថបទ៖ ក្ដៅៗ! តារាចម្រៀងល្បី ខេមរៈ សិរីមន្ត ទទួលបានងារជាឧកញ៉ា តែងតាំងដោយព្រះមហាក្សត្រ
យោងតាមរយៈសំំណេរខ្លីមួយរបស់លោក ពូឈីវ បុរសដ៏លេចធ្លោផ្នែកគាំទ្រកីឡាបាល់ទាត់ បានបង្ហាញពីចំណាប់អារម្មណ៍ ពិសសគឺក្ដីរីករាយដែលមានឱកាសបានរូបថតជាមួយតារាចម្រៀងល្បី ខេមរៈ សិរីមន្ត ដែលទើបតែទទួលបានងារជាឧកញ៉ាថ្មីៗនេះ ក្រោយរងចាំពេលវេលាបែបនេះរហូតដល់ទៅ១៩ឆ្នាំ។
«ខ្ញុំប្រាថ្នាជួប និងថតរូបជាមួយគាត់តាំងពីឆ្នាំ ២០០៣ មកម្លេះ។ ទីបំផុត ចាំជាង១៩ឆ្នាំ ខ្ញុំបានជួបផ្ទាល់ហើយនាថ្ងៃនេះ ក្នុងពិធីសម្ពោធភាពយន្តចម្រៀង ”ជីវិតក្មេងវត្ត” របស់សម្តេចតេជោ ហ៊ុន សែន លោកឧកញ៉ា ខេមរៈ សិរីមន្ត ដែលជានិមិត្តរូបរបស់ខ្ញុំពេញបេះដូង ហើយខ្ញុំពិតជារំភើបខ្លាំងណាស់ ជាពិសេសគាត់បានហៅឈ្មោះខ្ញុំមុនទៀត និងបានកោតសរសើរខ្ញុំថែមទៀតផង ពិតជាកិត្តិយសរបស់ខ្ញុំមែនទែន គាត់នៅក្រៅពិតជារួសរាយណាស់ ខ្ញុំចេះបទគាត់ប្រហែលជា ៩០% ចាំទំនេរពូឈីវច្រៀងឱ្យស្តាប់ណាបងប្អូនជាទីស្រលាញ់»។