ស្រីស្អាត ជានិស្សិតសកលវិទ្យាល័យជាតិគ្រប់គ្រង កញ្ញា ប៉ុន សុរ៉ាវត្តី នឹងតំណាងឱ្យប្រទេសកម្ពុជាចេញទៅប្រកួតនៅក្នុងកម្មវិធី Miss Planet International 2022 នៅលើឆាកអន្តរជាតិ ឆាប់ៗខាងមុខនេះហើយ។
យោងតាមការប្រកាសពីផេក MPI-Planet Update បានឱ្យដឹងនៅថ្ងៃទី៣ ខែតុលា ឆ្នាំ២០២២ នេះថាកញ្ញា ប៉ុន សុរ៉ាវត្តី និស្សិតសិក្សាជំនាញ ទេសចរណ៍និងបដិសណ្ឋារកិច្ច នឹងតំណាងប្រទេសកម្ពុជាទៅប្រកួតនៅប្រទស អូហ្គង់ដា ចាប់ពីថ្ងៃទី៦ រហូតដល់ថ្ងៃទី ១៩ ខែវិច្ឆិកា ឆ្នាំ២០២២ ខាងមុខនេះ។
អានអត្ថបទ ប៉ុន សុរ៉ាវត្តី ចិញ្ចឹមចិត្តមិនបោះបង់ការចូលដណ្ដើមមកុដបវរកញ្ញាភពផែនដីអន្ដរជាតិ
ស្រីស្រស់ កំពស់១,៧០ សង់ទីម៉ែត្រ និងមានដើមកំណើតមកពីខេត្តកំពង់ស្ពឺរូបនេះ មានទេពកោសល្យសម្ដែងបានល្អ ដោយនាងធ្លាប់ផ្ញើស្នាដៃជាច្រើនដូចជា «អធិដ្ឋានស្នេហ៍» និង «ចោរចិត្តជា» ចាក់ផ្សាយនៅលើកញ្ចក់ទូរទស្សន៍ CTN និងធ្វើជាពិធីការិនីក្នុងកម្មវិធីកម្សាន្តមួយរបស់ទូរទស្សន៍ប៉ុស្ដិ៍លេខ៥៕