កីឡដ្ឋាន Stadion Kanjuruhan ក្នុងទីក្រុង Malang ជាទីកន្លែងសោកនាដកម្មមួយដែលមានមនុស្សយ៉ាងហោចណាស់១៧៤នាក់បានទទួលមរណភាព និងអ្នករបួសរហូតដល់៣២៣នាក់ ក្រោយការរត់ជាន់គ្នា និងមានការបង្រ្កាប អំឡុងពេលប្រកួតរវាងក្នុងពានរង្វាន់ Liga 1 របស់ឥណ្ឌូណេស៊ី កាលពីរាត្រីថ្ងៃសៅរ៍ កន្លងទៅរវាងក្រុមម្ចាស់ផ្ទះArema FC ទល់នឹង Persebaya Surabaya។
រំលង១ថ្ងៃគឺនៅរាត្រីថ្ងៃអាទិត្យ ទី២ ខែតុលា ឆ្នាំ២០២២ អ្នកគាំទ្របាល់ទាត់ឥណ្ឌូណេស៊ី ជាពិសេសអ្នករស់នៅទីក្រុង Malang ក្នុងខេត្ត East Java បាននាំគ្នាធ្វើពិធីកាន់ទុក្ខនៅកីឡដ្ឋានStadion Kanjuruhan ចំពោះមរណភាពអ្នកទាំង១៧៤នាក់។