ក្រុមបាល់ទាត់ជម្រើសជាតិហ្វូតសាលថៃ និងវៀតណាម ជាសមាជិកអាស៊ានតែ២ប៉ុណ្ណោះ ដែលឡើងដល់វគ្គ៨ក្រុមចុងក្រោយនៃពានរង្វាន់ហ្វូតសាលជើងឯកទ្វីបអាស៊ី 2022 AFC Futsal Asian Cup កំពុងតែរៀបចំនៅប្រទេសគុយវែត។
វគ្គ៨ក្រុមចុងក្រោយនឹងត្រូវប្រកួតនៅថ្ងៃនេះ បន្ទាប់ពីបញ្ចប់វគ្គជម្រុះតាមពូលកាលពីពេលថ្មីៗ។ កម្មវិធីប្រកួតវគ្គ៨ក្រុមចុងក្រោយមាន៖
-អ៊ីរ៉ង់ ប៉ះ វៀតណាម ម៉ោង៣រសៀល
-ជប៉ុន ប៉ះ ឥណ្ឌូណេស៊ី ម៉ោង៤ល្ងាច
-ថៃ ប៉ះ តាជីគីស្ថាន ម៉ោង៥ល្ងាច
-អ៊ូបេគីស្ថាន ប៉ះ គុយវ៉ែត ម៉ោង៦ល្ងាច
ពានរង្វាន់ 2022 AFC Futsal Asian Cup រៀបចំពីថ្ងៃទី២៧ ខែវិច្ឆិកា ដល់ថ្ងៃទី៨ ខែតុលា ឆ្នាំ២០២២ ដោយសល់ក្រុមខ្លាំង១៦មកពីជុំវិញទ្វីបអាស៊ី ចូលរួមប្រកួតប្រជែង ចែកចេញជា៤ពូលក្នុងការប្រកួតប្រជែងនៅកីឡដ្ឋាន Saad Al Abdullah Hall ក្នុងទីក្រុង Kuwait City ដើម្បីស្វែងរកក្រុមខ្លាំងឡើងទៅវគ្គ៨ក្រុមចុងក្រោយនិងបន្តជម្រុះដល់វគ្គផ្ដាច់ព្រ័ត្រ។
ពានរង្វាន់ AFC Futsal Cup នេះរៀបចំឡើងតាំងពីឆ្នាំ១៩៩៩ មកដោយដំបូងរៀបចំរាល់១ឆ្នាំម្តង តែក្រោយមកប្តូរជារៀបចំរាល់២ឆ្នាំម្តងវិញ ខណៈក្រុមអ៊ីរ៉ង់ ឈ្នះជើងឯកច្រើនជាងគេ រហូតដល់១២លើក ហើយជប៉ុនឈ្នះបាន៣លើក៕
