ស្នាដៃភាពយន្ត 3D Animation រឿង «ឧកញ៉ា ឃ្លាំងមឿង» បានទទួលពានរង្វាន់ Gold Prize ពីកម្មវិធីប្រកួត Cambodia DigiCon6 ឆ្នាំ២០២២។ ប៉ុន្តែមុននឹងស្នាដៃដ៏ល្អឯកនេះទទួលបានពានរង្វាន់បញ្ជាក់ពីជោគជ័យរបស់ខ្លួន តើអ្នកដឹកនាំរឿងនិងក្រុមការងារត្រូវឆ្លងកាត់ឧបសគ្គអ្វីខ្លះ?
សម្ភាសន៍ជាមួយនឹងលោក ហេង លីម ឬមានឈ្មោះហៅក្រៅថា Will តាមរយៈប្រព័ន្ធសារអេឡិចត្រូនិច លោកបានបើកចិត្ត ឆ្លើយតបឥតលាក់លៀមប្រាប់ដល់អ្នកសារព័ត៌មានត្រយងពីដំណើរការផលិតសាច់រឿងនេះថា៖ «តាមពិតទៅជាដំបូងខ្ញុំចងផលិតរឿងខ្នាតធំ ប្រភេទេមនុស្ស រឺក៏ហៅបានថា live action ប៉ុន្តែដោយសារពេលនោះមានកើតកូវីដដូច្នេះ Project ហ្នឹងអត់អាចថតក្រៅបានទេ ត្រូវការរកដំណោះស្រាយ រក Idea ថ្មីថាគួរធ្វើម៉េចឱ្យ Happen ក៏ខ្ញុំមាន Skill ខាង Visual Effect ហើយ Team Up ជាមួយនឹងគ្នាពីរនាក់ទៀតដែលមានឈ្មោះថា ពុទ្ធារ័ត្ននិងសុចិត្រានិងក៏សម្រេចចិត្តថាយើងធ្វើជាប្រភេទ 3D Animation នឹងតែម្ដងទៅ»
អ្នកដឹកនាំរឿង 3D Animation បានរំលឹកពីភាពខុសប្លែកគ្នារវាងការផលិតភាពយន្តមនុស្សនិងតុក្កតា 3D Animation ក៏ដូចជាផលលំបាកដែលខ្លួនជួបប្រទះក្នុងដំណើរការផលិតនេះថា៖ «ការផលិតបែប 3D Animation ខុសប្លែកពីការផលិតធម្មតាត្រង់ថាយើងអត់មានតួអាច Communicate បាន អ៊ីចឹងតួទាំងអស់យើងត្រូវស្រមើស្រមៃ ជាមួយនឹងការចេញ Concept Design ចំណែកទីតាំងយើងអត់មានផ្ទាល់ យើងអត់ដឹងទីតាំងរបៀបម៉េច វ៉ៃភ្លើងបែបណា ដើម្បីឱ្យស័ក្ដិសម អ៊ីចឹងហើយទើបមានការលំបាកក្នុងការថត។ ចំពោះការលំបាកវិញគឺក្រុមការងារយើងគ្នាមានតិច ហេីយយេីងបែងចែកការងារ ជាបីផ្នែក ធំៗ ដោយលោក Pum Sothearoth (TR) កាន់ខាងផ្នែក បង្កេីតចលនារូបភាព លោក Rith Sochetra (Leons) កាន់ខាងផ្នែក តំឡេីងគំនូរ 3D ដោយឡែកខ្ញុំផ្ទាល់ កាន់ខាងផ្នែក Compositing, lighting នឹង rendering»
សមិទ្ធិផលដ៏ល្អឯកនេះ មិនអាចសម្រេចទៅបានឡើយ ប្រសិនបើគ្មានការចូលរួមសហការពីមនុស្សជាច្រើននាក់ទៀតមិនអាចរៀបរាប់ឈ្មោះអស់ ប៉ុន្តែក្នុងនោះ លោក លីម ហេង បានសម្ដែងការអរគុណចំពោះមិត្តភក្ដិជាច្រើននាក់ទៀតដែលបានជួយលើការងាររបស់លោកដូចជាទៅលើការ Edit ការ research ទៅលើ Concept និងសាច់រឿងផ្ទាល់តែម្ដង ជាពិសេសគឺផលិតករប្រតិបត្តិលោក Phon Piseth។
ក្រៅពីស្នាដៃ 3D Animation ឧកញ៉ាឃ្លាំងមឿង លោក ហេង លីម ហៅ Will បានបង្ហើបថាលោកមាន Project ជាច្រើនទៀតនៅក្នុងដៃដែលកំពុងតែរៀបចំធ្វើ ប៉ុន្តែដោយសារបញ្ហាកញ្ចក់ថវិកាក្នុងការផលិតទើបធ្វើឱ្យលោកត្រូវផ្អឹបស្នាដៃទាំងនោះទុកសិន។
ស្នាដៃភាពយន្តគំនូជីវចល 3D អំពីប្រវត្តិសាស្ត្រដ៏អស្ចារ្យរឿង «ឧកញ៉ា ឃ្លាំងមឿង» នេះបានឈ្នះពានរង្វាន់ Gold Prize ពីកម្មវិធីប្រកួត Cambodia DigiCon6 ឆ្នាំ២០២២ ហើយត្រៀមចេញទៅប្រកួតនៅលើឆាកអន្តរជាតិជាបន្តទៀត៕
ទស្សនាវីដេអូពេញក្នុង YouTube :
