តារាចម្រៀង Taylor Swift តាំងពីដើមរហូតតែងតែបិទមាត់យ៉ាងជិតពីជីវិតឯកជនរបស់ខ្លួន ប៉ុន្តែអ្នកគាំទ្រជឿថាតារាចម្រៀងរូបនេះបានបើកកកាយពីជីវិតឯកជននៅក្នុងបទចម្រៀងមួយរបស់ខ្លួនក្នុងអាល់ប៊ុមចម្រៀងថ្មី «Midnight»។
«Bigger than Sky» គឺជាបទចម្រៀងថែមនៅក្នុងអាល់ប៊ុមថ្មីហើយបទនេះបានរៀបរាប់ពីការបាត់បង់មួយ។ នៅក្នុងនោះមានឃ្លាដែលធ្វើឱ្យអ្នកគាំទ្រជឿថាអត្ថន័យសម្ដៅដល់ការរលូតកូនដោយសារតែបានពិពណ៌នាថា លាចំពោះមនុស្សម្នាក់ដែលមិនធ្លាប់បានជួបពីមុន។ មិនត្រឹមតែអ្នកលេងអ៊ិនធឺណីតនោះឡើយដែលជឿថាបទចម្រៀងនេះនិយាយពីការបាត់បង់កូន ប៉ុន្តែពេលនេះមនុស្សជាច្រើនចាប់ផ្ដើមគិតដូចគ្នាថា Taylor ប្រហែលជាធ្លាប់ជួបបទពិសោធន៍រលូតកូន ទើបសរសេរចម្រៀងនេះឡើង។
Taylor បានចាប់ផ្ដើមសេពគប់ជាមួយនឹងតារាសម្ដែងអងគ្លេស British ឈ្មោះ Joe Alwyn តាំងពីឆ្នាំ២០១៦ បើតាមពាក្យចចាមអារ៉ាម អ្នកទាំងពីរបានជួបគ្នាដំបូងនៅក្នុងកម្មវិធី MET Gala។ ក្រោយមកដំណឹងភ្ជាប់ពាក្យ និងដំណឹងមានទម្ងន់បានចាប់ផ្ដើមលេចចេញជារឿយៗតាមពីក្រោយគូស្នេហ៍ទាំងពីរនេះរហូតមក ប៉ុន្តែអ្នកទាំងពីរមិនដែលរបូតមាត់និយាយពីទំនាក់ទំនងរបស់ពួកគេនោះឡើយ យ៉ាងណាមិញប្រភពជិតស្និទ្ធិបាននិយាយថា គូស្នេហ៍ទាំងពីរស្ថិតក្នុតទំនាក់ទំនងប្រាកដប្រជាជាមួយនឹងគ្នា។
កាលពីខែសីហា ឆ្នាំ២០២០ ប្រភពមួយបានប្រាប់ទស្សនាវដ្ដី US Weekly ថាគូស្នេហ៍ទាំងពីរបានជជែកគ្នាជាក់លាក់រឿងកូន ហើយប្រភពពីខាងក្នុងបានបញ្ជាក់ដែរថា Taylor ពិតជារំភើបខ្លាំងណាស់ចំពោះគំនិតធ្វើជាម្ដាយ ហើយកំពុងតែរង់ចាំយ៉ាងអន្ទះសារនៅពេលអនាគត។
ប្រភពផ្សេងមួយទៀតបានប្រាប់ថា Joe និង Taylor បានពិភាក្សាគ្នារឿងរៀបការហើយអ្នកទាំងពីរពិតជាស្រលាញ់គ្នាណាស់ ប៉ុន្តែពួកគេមិនទាន់បានកំណ់តកាលបរិច្ឆេទរៀបការច្បាស់លាស់នៅឡើយទេ។ ទោះជាថ្មីៗនេះមានសេចក្ដីរាយការណ៍័ថា Taylor ធ្លាប់បញ្ជាក់ពីការសម្រេចចិត្តរបស់ខ្លួនថានាងគួរតែមានកូនឬអត់? ដោយនាងបានលើកឡើងថា ខ្ញុំមិនដឹងទេ ដោយតារារូបនេះពន្យល់ថា «នាងពិបាកនឹងមើលឃើញជីវិតកូនរបស់នាងអាចប្រើប្រាស់ជីវិតធម្មតា ខណៈដែលនាងជាមនុស្សមានកេរ្តិ៍ឈ្មោះល្បីល្បាញ ជាពិសេស Taylor បារម្ភថាក្រុម paparazzi អាចនឹងប៉ះពាល់ដល់កូនៗរបស់នាង។
ទោះជាមិនមានសេចក្ដីបញ្ជាក់ច្បាស់លាស់ណាមួយថា «Bigger Than Sky» គឺជាបទចម្រៀងនិយាយពីបទពិសោធន៍ឯកជននៃការរលូតកូនរបស់នាង ប៉ុន្តែនាងបានប្រើបទផ្សេងទៀតនៅក្នុងអាល់ប៊ុមដើម្បីបង្ហាញពីជីវិតឯកជនរបស់ខ្លួនទាំងនៅនៅទីសាធារណៈ និងនៅកន្លែងផ្ទាល់ខ្លួន។ បើទោះជាមិត្តប្រុសរបស់ Taylor មិនបានច្រៀង ប៉ុន្តែលោកបានដើរតួនាទីជាសហអ្នកនិពន្ធសម្រាប់បទចម្រៀង «Sweet Nothing» ដោយ Joe បានប្រើឈ្មោះបាកកាសម្រាប់ការនិពន្ធថា William Bowery៕
ប្រភព៖ babaygaga