ក្រុមបាល់ទះវិសាខា និងក្រុមបាល់ទះរដ្ឋបាលរាជធានីភ្នំពេញ សុទ្ធតែបានយកឈ្នះលើគូប្រកួតដូចគ្នាក្នុងពានរង្វាន់បាល់ទះពានរង្វាន់សម្តេចតេជោ ហ៊ុន សែន ឆ្នាំ២០២២ វគ្គ៨ក្រុមចុងក្រោយ កាលពីយប់ថ្ងៃចន្ទ ទី២៤ ខែតុលា ឆ្នាំ២០២២ លើទីលានបាល់ទះកីឡដ្ឋានព្រីនស៍ ក្នុងរាជធានីភ្នំពេញ។
សម្រាប់កម្មវិធីប្រកួតមាន៖
*២៤ តុលា ២០០២
ពូល E វិសាខា ៣-០ កងពលធំអន្តរាគមន៍លេខ៣ (២៥-១៨,២៥-១៥,២៥-១៥)
ពូល E រដ្ឋបាលខេត្តព្រះសីហនុ ១-៣ រដ្ឋបាលរាជធានីភ្នំពេញ (១៩-២៥,២២-២៥,២៥-២៣,២២-២៥)
*២៥ តុលា ២០២២
ម៉ោង៥ល្ងាច ពូល F បញ្ជាការដ្ឋានកងអង្គរក្ស ប៉ះ ស្នងការដ្ឋាននគរបាលខេត្តស្វាយរៀង
ម៉ោង៧ល្ងាច ពូល F ក្រសួងមហាផ្ទៃ ប៉ះ ស្នងការដ្ឋាននគរបាលខេត្តត្បូងឃ្មុំ
*២៦ តុលា ២០២២
ម៉ោង៥ល្ងាច ពូល E រដ្ឋបាលខេត្តព្រះសីហនុ ប៉ះ វិសាខា
ម៉ោង៧ល្ងាច ពូល E រដ្ឋបាលរាជធានីភ្នំពេញ ប៉ះ កងពលធំអន្តរាគមន៍លេខ៣
*២៧ តុលា ២០២២
ម៉ោង៥ល្ងាច ពូល F បញ្ជាការដ្ឋានកងអង្គរក្ស ប៉ះ ក្រសួងមហាផ្ទៃ
ម៉ោង៧ល្ងាច ពូល F ស្នងការដ្ឋាននគរបាលខេត្តស្វាយរៀង ប៉ះ ស្នងការដ្ឋាននគរបាលខេត្តត្បូងឃ្មុំ
*២៨ តុលា ២០២២ (ប្រកួតវគ្គពាក់កណ្ដាលផ្ដាច់ព្រ័ត្រ)
*២៩ តុលា ២០២២ (ដណ្តើមចំណាត់ថ្នាក់លេខ៣)
*៣០ តុលា ២០២២ (ដណ្តើមជើងឯក)
សូមបញ្ជាក់ថាពានរង្វាន់សម្តេចតេជោ ហ៊ុន សែន ឆ្នាំ២០២២ មានក្រុមចំនួន១១ចូលរួម ដោយក្នុងនោះក្រុមចំនួន៥ក្រុម (បានពីការអញ្ជើញ) និង៦ក្រុមដែលឡើងមកពីពានរង្វាន់សម្តេចក្រឡាហោម កន្លងទៅ។ ក្រុមដែលចូលរួមទាំង១១នេះត្រូវបែងចែកជា៤ពូល ប្រកួតវិលជុំ១ជើងសន្សំពិន្ទុ ហើយក្រុមលេខ១និងលេខ២តាមពូលនីមួយៗមានឈ្មោះឡើងទៅប្រកួតបន្ត។ វគ្គបន្តនេះសល់ក្រុមចំនួន៨ បែងចែកជា២ពូលទៀត ដើម្បីស្វែងរកអ្នកខ្លាំងឡើងទៅវគ្គពាក់កណ្តាលផ្ដាច់ព្រ័ត្រវគ្គនិងបន្តផ្ដាច់ព្រ័ត្រ។
ការប្រកួតពានរង្វាន់សម្តេចតេជោ ធ្វើឡើងនៅកីឡដ្ឋានព្រីនស៍ (ម្តុំហ្រ្គេនភ្នំពេញ) ដោយចាប់ដំណើរការពីថ្ងៃទី១៥ ដល់៣០ ខែតុលា ឆ្នាំ២០២២ ចំណែកសំបុត្រចូលទស្សនាមានតម្លៃ ៥០០០៛។ សម្រាប់ទស្សនិកជនដែលរស់នៅតាមបណ្តាខេត្ត និងនៅក្រៅប្រទេស អាចទស្សនាការប្រកួតតាមការផ្សាយផ្ទាល់លើ Page សារព័ត៌មានត្រយង បាន។
សម្រាប់ក្រុមជ័យលាភីវិញនឹងទទួលមាន៖
–ជើងឯក៖ ពានរង្វាន់ធំ១ មេដាយមាសម្នាក់១ អមដោយថវិកា១ម៉ឺនដុល្លារ
–ជើងឯករង៖ មេដាយប្រាក់ម្នាក់១ អមដោយថវិកា៥ពាន់ដុល្លារ
-លេខ៣៖ មេដាយសំរឹទ្ធិ ម្នាក់១ អមដោយថវិកា៣ពាន់ដុល្លារ
–លេខ៤៖ ថវិកា ២ពាន់ដុល្លារ៕