បន្ទាប់ពីពានរង្វាន់សម្តេចអគ្គមហាសេនាបតីតេជោ ហ៊ុន សែន ឆ្នាំ២០២២ ត្រូវបានបញ្ចប់ដោយជោគជ័យ ខណ:ម្ចាស់ជើងឯកបានទៅក្រុមបាល់ទះវិសាខា ក្រោយយកឈ្នះលើក្រុមបាល់ទះក្រសួងមហាផ្ទៃ ក្នុងវគ្គផ្ដាច់ព្រ័ត្រ ដោយលទ្ធផល ៣សិតទល់០ លើទីលានបាល់ទះកីឡដ្ឋានព្រីសន៍ ម្តុំហ្រ្គេនភ្នំពេញ។
ក្នុងនោះលោកបណ្ឌិត អាំង សេរីពិសិដ្ឋ អគ្គលេខាធិការសហព័ន្ធបាល់ទះកម្ពុជា បានប្រកាសជូនដំណឹងដល់ក្លិបបាល់ទះពាក់ព័ន្ធត្រៀមប្រកួតលីគបាល់ទះកម្ពុជានៅឆ្នាំក្រោយ បន្ទាប់ព្រឹត្តិការណ៍កីឡាស៊ីហ្គេម ឆ្នាំ២០២៣ ដែលកម្ពុជាធ្វើជាម្ចាស់ផ្ទះ៕
