សិល្បៈអន្តរជាតិ៖ តារាចម្រៀង Selena Gomez តែងតែនិយាយពីបញ្ហាជំងឺផ្លូវចិត្តរបស់ខ្លួនជាសាធារណៈដោយមិនមានលាក់លៀម។ តារា Disney រូបនេះបានចែករំលែកអាថ៌កំបាំងជីវិតដែលនាងត្រូវឆ្លងកាត់តាមរយៈឯកសារដែលមានឈ្មោះថា «Selena Gomez: My Mind & Me» ប៉ុន្តែមុនពេលមានឯកសារពីជីវិតតារាស្រីរូបនេះធ្លាប់បានអង្គុយជជែកពីបញ្ហាជីវិតនិងរឿងរ៉ាវផ្ទាល់ខ្លួនជាមួយនឹងពិធី ថែមទាំងប្រាប់ជាចំហពីរឿងដែលខ្លួនមិនអាចកូនបានដោយសារប្រើប្រាស់ថ្នាំព្យាបាលជំងឺ Bipolar។
Selena បានរៀបរាប់យ៉ាងដូច្នេះថា៖ «នោះគឺជាអំណោយដ៏ធំបំផុតមួយនៅក្នុងជីវិតរបស់ខ្ញុំ» សម្ដីរបស់តារាស្រីរូបនេះគឺនៅពេលដែលកញ្ញារៀបរាប់ពីមិត្តភក្ដិម្នាក់ព្យាយាមចង់បានកូន។ Selena បានបន្តទៀតថាខ្លួនបានស្រក់ទឹកភ្នែកនៅពេលនឹកដល់ថ្នាំព្យាបាលជំងឺ Bipolar របស់ខ្លួន ដូច្នេះនាងអាចនឹងមានឱកាសច្រើនដែលមិនអាចពពោះធ្វើជាម្ដាយរបស់គេ។ ថ្វីត្បិតស្ថិតក្នុងស្ថានភាពណាមួយក៏ដោយ Selena សង្ឃឹមថាថ្ងៃណាមួយកញ្ញានឹងបានក្លាយជាម្ដាយរបស់គេ «ប៉ុន្តែខ្ញុំពិតជាចង់បានកូនណាស់ ហើយខ្ញុំនឹងមានកូន»។
រំលឹកឡើងវិញពីអាការៈរបស់ខ្លួនកាលពីឆ្នាំ២០១៨ តារាល្បីរូបនេះបាននិយាយថាកញ្ញាមិនសូវជាចាំរឿងរ៉ាវនាពេលនោះទេ ប៉ុន្តែក្រោយពីញ៉ាំថ្នាំជាច្រើនសុខភាពរបស់កញ្ញាក៏បានធូរស្រាល ហើយក្រោយមកទៀតគ្រូពេទ្យបានដកថ្នាំចេញហើយឱ្យកញ្ញាញ៉ាំតែ២មុខប៉ុណ្ណោះ។
ថ្មីៗនេះ Selena Gomez ធ្លាប់និយាយពីការដែលខ្លួនចង់មានគ្រួសារផ្ទាល់ខ្លួននៅក្នុងកម្មវិធី Giving Back Generation។ ខ្ញុំសង្ឃឹមថាខ្ញុំនឹងបានរៀបការហើយក្លាយគ្នាម្ដាយគេម្នាក់។ Selena ធ្លាប់បានប្រាប់ទស្សនាវដ្ដី Rolling Stone ថា កញ្ញាធ្លាប់គិតថានឹងរៀបការនៅអាយុ២៥ឆ្នាំ ប៉ុន្តែកញ្ញាឈឺចាប់ដែលមិនអាចធ្វើទៅបាន សូម្បីតែនៅក្បែរការគិតនេះក៏មិនអាច។ វាពិតជាល្ងីល្ងើណាស់ ប៉ុន្តែខ្ញុំពិតជាធ្លាប់គិតថាពិភពលោករបស់ខ្ញុំបានបញ្ចប់ហើយ៕
ប្រភព៖ wionews
