គិតត្រឹម២សតវត្សចុងក្រោយនេះចាប់តាំងពីឆ្នាំ១៩៩៤ ដល់ឆ្នាំ២០២២ នេះមានប្រទេសចំនួន៩ ជុំវិញពិភពលោក ទទួលបានសិទ្ធក្នុងការធ្វើជាម្ចាស់ផ្ទះនៃព្រឹត្តិការណ៏បាល់ទាត់ពានរង្វាន់ជើងឯកពិភពលោក FIFA World Cup ខណៈមានតែឆ្នាំនេះដែលចំណាយប្រាក់ច្រើនជាងគេក្នុងប្រវត្តិសាស្រ្ត។
សារព័ត៌មានត្រយងសូមដកស្រងពីការចំណាយរបស់ប្រទេសដែលទទួលសិទ្ធធ្វើជាម្ចាស់ផ្ទះក្នុងព្រឹត្តិការណ៏ដ៏សំខាន់មួយនេះ៖
១. ក្នុងឆ្នាំ១៩៩៤ សហរដ្ឋអាមេរិក បានទទួលសិទ្ធិធ្វើម្ចាស់ផ្ទះដោយបានចំណាយទឹកប្រាក់សរុបចំនួន ៥០០លានដុល្លា ទៅលើការរៀបចំការប្រកួត នៅកីឡាដ្ឋានចំនួន ៩ ក្នុង៩ទីក្រុងផ្សេងគ្នា ដោយកាលនោះក្រុមបាល់ទាត់នៃប្រទេសប្រេស៊ីលគឺជាម្ចាស់ជើងឯក World Cup។
២. ក្នុងឆ្នាំ១៩៩៨ ប្រទេសបារាំង បានទទួលសិទ្ធធ្វើជាម្ចាស់ផ្ទះ FIFA World Cup ដោយបានចំណាយប្រាក់ប្រមាណជាង ២៣០០ លានដុល្លា ទៅលើការចំណាយនានា ទាំងមុនពេលការប្រកួត អំឡុងពេលប្រកួត និងក្រោយចប់ការប្រកួត។ ការប្រកួតរៀបចំនៅលើកីឡាដ្ឋានទាំង១០ នៃ១០ទីក្រុងផ្សេងគ្នា ហើយអ្វីដែលគួរឲ្យចាប់អារម្មណ៏នោះ គឺក្រុមម្ចាស់ផ្ទះនេះ បានគ្រងជើងឯកពិភពលោកលើទឹករបស់ខ្លួនតែម្តង ក្រោយយកឈ្នះក្រុមជម្រើសជាតិ ប្រេលស៊ីល នៅវគ្គផ្ដាច់ព្រ័ត្រ។ កាលនោះព្រឹត្តិការណ៏នេះ ប្រកួតនៅថ្ងៃទី ១០ មិថុនា ដល់ទី១២ ខែកក្កដា ឆាំ១៩៩៨ ដោយមាន ៣២ក្រុមចូលរួម។
៣. ឆ្នាំ២០០២ ប្រទេសជប៉ុន និងកូរ៉េខាងត្បូង ជាសហម្ចាស់ផ្ទះ ដោយកាលនោះប្រទេសទាំងពីបានប្រើប្រាស់លុយ ៧០០០លានដុល្លារ ទៅលើការចំណាយនានា ខណៈការប្រកួតធ្វើឡើងនៅ២០ កីឡាដ្ឋាន នៃ២០ ទីក្រុងផ្សេងគ្នា ដោយពេលនោះក្រុមជម្រើសជាតិ ប្រេស៊ីល បានយកឈ្នះក្រុមជម្រើសជាតិអាល្លឺម៉ង់ ក្នុងវគ្គផ្តាច់ព្រ័ត្រ ដែលការប្រកួតបានចាប់ផ្តើមនៅថ្ងៃទី៣១ ខែឧសភា ដល់ថ្ងៃទី៣០ ខែមិថុនា ឆ្នាំ២០០២។
៤. ឆ្នាំ២០០៦ ប្រទេសអាល្លឺម៉ង់ ទទួលបានសិទ្ធធ្វើជាម្ចាស់ផ្ទះដោយបានប្រើប្រាស់ទឹកប្រាក់ប្រមាណជា ៤៣០០ លានដុល្លារ នៅក្នុងការរៀបចំ។ ប៉ុន្តែកាលនោះក្រុមជម្រើសជាតិ អ៊ីតាលី ជាម្ចាស់ជើងឯក ក្រោយយកឈ្នះលើក្រុមជម្រើសជាតិបារាំង នៅវគ្គផ្ដាច់ព្រ័ត្រ។ អាល្លឺម៉ង់ បានរៀបចំកីឡាដ្ឋានចំនួន ១២ នៃ១២ ទីក្រុងផ្សេងគ្នា ទទួលការប្រកួតចន្លោះថ្ងៃទី៩ ខែ មិថុនា ដល់ថ្ងៃទី៩ ខែកក្កដា ឆ្នាំ២០០៦។
៥. ឆ្នាំ២០១០ ប្រទេសអាហ្រ្វិកខាងត្បូង គឺជាស្ថាប័នម្ចាស់ផ្ទះ ដោយបានប្រើប្រាស់ទឹកប្រាក់ប្រមាណជាង ៣៦០០លានដុល្លារ ទៅលើការចំណាយផ្សេងៗ ហើយនៅពេលនោះក្រុមជម្រើសជាតិ អេស្ប៉ាញគឺម្ចាស់ជើងឯក ដោយយកឈ្នះលើក្រុមជម្រើសជាតិហូល្លង់។ ព្រឹត្តិការណ៍លើទឹកដីអាហ្រ្វិកដំបូងគេនេះ ដំណើរការពីថ្ងៃទី១២ ខែមិថុនា ដល់ថ្ងៃទី ១៣ កក្កដា ឆ្នាំ២០១៤ ដោយការប្រកួតទាំងអស់ បានរៀបការប្រកួតលើកីឡាដ្ឋានទាំង១០ នៃ៩ កន្លែងផ្សេងគ្នា។
៦.ឆ្នាំ២០១៤ ប្រទេសប្រេស៊ីល បានទទួលសិទ្ធធ្វើជាម្ចាស់ផ្ទះ ហើយបានប្រើប្រាស់ទឹកប្រាក់ចំនួន ១៥00លានដុល្លារ ទៅលើការរៀបចំនានា ហើយការប្រកួតបានបានរៀបចំនៅកីឡាដ្ឋានទាំង១២ នៃ១២ ទីក្រុងផ្សេងគ្នា។ ក្រុមជម្រើសជាតិអាល្លឺម៉ង់ បានគ្រងជើងឯកពិភពលោក នៅឆ្នំានោះ ក្រោយយកឈ្នះទៅក្រុមជម្រើសជាតិអាហ្សង់ទីន។ ការប្រកួតកាលនោះមានក្រុមចំនួន ៣២ ចូលរួម ដោយដំណើរការពីថ្ងៃទី១២ ខែមិថុនា ដល់ថ្ងៃទី១២ កក្កដា ឆ្នាំ២០១៤។
៧. ឆ្នាំ២០១៨ ប្រទេសរុស្ស៊ី ទទួលបានសិទ្ធធ្វើជាម្ចាស់ផ្ទះ ដោយកាលនោះបានប្រើប្រាស់ទឹកប្រាក់ចំនួន ១១.៦ពាន់លានដុល្លារ ទៅលើការចំណាយ ក្នុងការរៀបចំ ខណៈការប្រកួតធ្វើឡើងនៅកីឡាដ្ឋានទាំង១២ នៃ ១១ទីក្រុងផ្សេងគ្នា។ គ្រានោះមានក្រុមជម្រើសជាតិចំនួន៣២ មកពីជុំវិញទ្វីប ចូលរួមប្រកួតប្រជែង ស្របពេលជើងឯកបានទៅប្រទេសបារាំង ក្រោយយកឈ្នះក្រូអាត នៅវគ្គផ្ដាច់ព្រ័ត្រ។
៨. ឆ្នាំ២០២២ ប្រទេសនៅកាតាដែលជាប្រទេសដំបូងគេនៅមជ្ឈម៏បូពា ដែលទទួលបានសិទ្ធធ្វើជាម្ចាស់ផ្ទះក្នុងព្រឹត្តិការណ៏ FIFA World Cup នេះដោយបានប្រើប្រាស់ទឹកប្រាក់ក្នុងការរៀបចំច្រើនជាងគេបង្អោះ គឺមានចំនួនជាង ២២០លានដុល្លារ ក្នុងចំណោមប្រទេសទាំង៩ ដែលគិតចាប់តាំងពីឆ្នាំ១៩៩៤ មកម្លេះ។
គួរបញ្ជាក់ផងដែលថា ព្រឹត្តិការណ៏បាល់ទាត់ពិភពក្នុងឆ្នាំ២០២២ នេះមានក្រុមជម្រើសជាតិចំនួន៣២ មកពីជុំវិញទ្វីបនានា នឹងចាប់ផ្តើមយុទ្ធនាការរបស់ក្រុមរៀងៗខ្លួនទៅតាមពូលនីមួយៗ។ ដោយនៅថ្ងៃទី២០ ខែវិច្ឆិកា ឆ្នាំ២០២២ ខាងមុខនេះប្រកួតបើកឆាក គឺក្រុមម្ចាស់ផ្ទះកាតា នឹងជួបជាមួយក្រុមជម្រើសជាតិ អេក្វាទ័រ នៅវេលាម៉ោង ១០.៣០ ម៉ោងនៅប្រទេសកម្ពុជា៕
