ផលិតកម្ម Sastra Film ទាញប្រុសស្អាត Lee Myko ជួបសម្ដែងជាគូស្នេហ៍ភេទដូចគ្នាជាមួយនឹង វណ្ណថៃ ក្នុងរឿង «មេឃខៀវ» កំពុងតែទាញបានការចាប់អារម្មណ៍ពីអ្នកគាំទ្រយ៉ាងខ្លាំងក្រោយមានការបង្ហោះចែករំលែកលើបណ្ដាញសង្គម។
សូមចុចអាន ល្វីងមុខ! យ៉ា សុផាន់ម៉ៃ ត្រូវអ្នកទស្សនាជេរខ្លាំងរហូតហ្វេនចេញមុខការពារ
ភាពយន្តភាគបែបបុរសស្រលាញ់បុរស មេឃខៀវរឿងមេឃខៀវ បានទាញចំណាប់អារម្មណ៍អ្នកទស្សនាម្ដងរួចមកហើយក្រោយបញ្ចេញ Poster ដំបូងដែលមិនបានបង្ហាញថាតួអង្គរូបណានឹងមកសម្ដែង យ៉ាងណាមិញរឿងនេះកាន់តែមានភាពល្បីល្បាញថែមមួយកម្រិតទៀតក្រោយបង្ហាញតួអង្គពីររូបដែលនឹងមកបង្ហាញពីទំនាក់ទំនងស្នេហាបុរសស្រលាញ់បុរសតាមរយៈតួអង្គ មេឃ និង តួអង្គខៀវ។
តារាឯកប្រុសទាំងពីររូបនេះ ក៏បានធ្វើការ Post លើ Page ដែលមានឈ្មោះ Lee Myko និង Vanthaiiខ្លួនដើម្បីជាផ្នែកមួយជួយប្រូម៉ូត និង ផ្សព្វផ្សាយរឿងភាគថ្មីនេះ។ លើសពីការរំពឹងទុកអ្នកគាំទ្របានចូលមកសាទរ និង បញ្ចេញទស្សនៈវិជ្ជមានចំពោះស្នាដៃរួមគ្នាលើកទីមួយរបស់ Lee Myko និង Vanthaii គ្រប់គ្នា។
រឿងភាគ BL នេះប្រុសស្អាត Lee Myko នឹងសម្ដែងជាតួអង្គឈ្មោះខៀវ ខណៈ វណ្ណថៃ តារាសម្ដែងវ័យក្មេងនឹងសម្ដែងជាតួអង្គឈ្មោះ មេឃ។ រឿងភាគស្នេហាមនោសញ្ចេតនាយុវវ័យបុរសស្រលាញ់បុរស «មេឃខៀវ» មិនទាន់កំណត់ថ្ងៃបញ្ចាំងនោះទេ ៕
