សិល្បៈអន្តរជាតិ៖ «Whisper of the Heart» គឺជាភាពយន្តតភាគពី Animate ល្បីល្បាញរបស់ studio ghibli ដែលធ្លាប់បានចាក់ផ្សាយឱ្យអ្នកគាំទ្របានទស្សនាកាលពីឆ្នាំ១៩៩៥។ អ្នកគាំទ្រត្រូវរង់ចាំអស់២៧ឆ្នាំ ទម្រាំអាចទស្សនាវគ្គបន្តនៃសាច់រឿងនេះ។
Whisper of the Heart ផលិតចេញពីរឿងតុក្កតារបស់សាស្ត្រាចារ្យ Aoi Hiiragi ដែលចេញផ្សាយកាលពីឆ្នាំ១៩៨៩ ជាសាច់រឿងដែលពោរពេញដោយសេចក្ដីស្រលាញ់របស់ Seiji Amasawa ក្មេងកំលោះដែលរត់តាមចាប់ក្ដីសុបិន និង Shizuku Tsukishima ក្មេងស្រីដែលរកខ្លួនឯងមិនទាន់ឃើញ។ មុននឹងស្នេហារបស់អ្នកទាំងពីររីកលូតលាស់ចេញជាផ្លែផ្កានៅពីមុខ The Baron រូបចម្លាក់ឆ្មាដែលជួយឱ្យ Shizuku បានស្ដាប់ឮសំឡេងបេះដូងរបស់ខ្លួនឯង។
យ៉ាងណាមិញភាពយន្តដែលត្រូវបានគេចាត់ទុកថាជាសាច់រឿងដែលល្អផ្ដាច់គេមួយនេះ នៅពេលដែលត្រូវបានយកមកផលិតជា Version សម្ដែងដោយមនុស្សប្រាកដណាស់ នឹងទទួលរងនូវសម្ពាធជាច្រើន ប៉ុន្តែក្រុមការងារនិងអ្នកដឹកនាំបានពុះពារហើយផលិតចេញមកបានល្អមិនចាញ់ Version ដើមនោះឡើយ។
តារាសម្ដែងឯកទាំងពីររបស់សាច់រឿងនេះដូចជា Tori Matsuzaka និង Nana Seino ដែលដាក់អារម្មណ៍ចូលមនោសញ្ចេតនាបានយ៉ាងល្អ ប៉ុន្តែក្នុងនោះតារាសម្ដែងវ័យក្មេងដូចជា Tsubasa Nakagawa និង Runa Yasuhara ក៏លេងចូលតួល្អមិនចាញ់តារារៀមច្បងនោះឡើយ។
សម្រាប់ភាពយន្តដែលផលិតតាមរឿងរ៉ាវនាយុគសម័យបុរាណនេះ អាចនឹងមិនសូវមានអ្វីគួរឱ្យចាប់អារម្មណ៍និងទាក់ចិត្តយុវវ័យសម័យថ្មីប៉ុន្តែសម្រាប់អ្នកដែលនិយមទស្សនារឿងបែប Classic សូមកុំរំលងរឿងនេះឱ្យសោះ។
សម្រាប់អ្នកដែលចង់ទស្សនារឿងបែបជា Animate អាចរកមើលបាននៅក្នុង App Netflix ដោយគ្រាន់តែវាយឈ្មោះ Whisper of Heart រួចជាស្រេច៕
ទស្សនាវីដេអូខ្លីៗនៃសាច់រឿង Whisper of Heart ខាងក្រោម៖
