វីរបុរសបាល់ទាត់ប្រេស៊ីលលោក Pele បានទទួលមរណភាព កាលពីយប់ថ្ងៃទី២៩ ខែធ្នូ ឆ្នាំ២០២២ កន្លងទៅក្នុងវ័យ៨២ឆ្នាំ នៅទីក្រុង Sao Paulo ដោយរោគមហារីកពោះវៀងធំ។ ការបាត់បង់ស្ដេចបាល់ទាត់លោក Pele បានធ្វើឲ្យពិភពលោកនិងអ្នកស្នេហាវិស័យកីឡាបាល់ទាត់មានការសោកស្ដាយ។
ការបន្សល់កេរ្តិ៍ឈ្មោះ ស្នាដៃជាច្រើនក្នុងអាជីពជាកីឡាករបាល់ទាត់របស់ស្ដេចបាល់ទាត់ Pele បានធ្វើឲ្យលោក Gianni Infantino ប្រធានសហព័ន្ធកីឡាបាល់ទាត់អន្តរជាតិ ហៅកាត់ FIFA ស្នើឲ្យសមាជិកប្រទេសទាំងអស់របស់ FIFA ដាក់ឈ្មោះកីឡដ្ឋានណាមួយរបស់ខ្លួនដោយភ្ជាប់ពាកថា Pele ដើម្បីឧទ្ទិសដល់វីរបុរសបាល់ទាត់រូបនេះ។
សាកសព្វរបស់លោក Pele ត្រូវបានដាក់ក្នុងមឈូលនៅទីលាននៃកីឡដ្ឋាន Urbano Caldeira របស់ក្លិប Santos ដែលជាទីលានក្លិបកំណើតរបស់លោកនាទីក្រុង Sao Paulo ដើម្បីឱ្យប្រជាជនប្រទេសស៊ីលបានចូលផ្តល់ការគោរព។
នៅក្នុងពិធីចូលរួមគោរពវិញ្ញាណក្ខនលោក Pele កាលពីថ្ងៃទី២ ខែមករា ស្ថិតនៅកីឡដ្ឋានរបស់ក្លិប Santos លោក Gianni Infantino ប្រធាន FIFAបាននិយាយទៅកាន់អ្នកកាសែតថា៖ «លោកនឹងសាកសួរទៅកាន់ប្រទេសសមាជិក FIFA ទាំងអស់នៅទូទាំងពិភពលោក ឱ្យយកកីឡដ្ឋានមួយដាក់ឈ្មោះតាមស្ដេចបាល់ទាត់លោក Pele»។
ប្រធាន FIFA បានបានបញ្ជាក់ថា៖ «យើងនឹងសាកសួរទៅកាន់ប្រទេសដែលជាសមាជិករបស់ FIFA ទាំងអស់ យ៉ាងហោចណាស់ក៏មានកីឡដ្ឋានមួយដែលមានឈ្មោះដាក់តាមលោក Pele។ ដូច្នេះក្មេងៗជំនាន់ក្រោយនឹងអាចដឹងពីលោក Pele ថាជាវីរបុរសដែលមានសារៈសំខាន់សម្រាប់វិស័យកីឡាបាល់ទាត់មួយនេះ»។
លោក Pele គឺជាកីឡាករបាល់ទាត់តែម្នាក់ដែលបានឈ្នះពានរង្វាន់ World Cup ចំនួន៣លើក។
វីរបុរសបាល់ទាត់ប្រេស៊ីល Pele ចាប់ផ្តើមអាជីពបាល់ទាត់ដំបូងនៅឆ្នាំ ១៩៥៦ ក្នុងក្លិបបាល់ទាត់ Santos របស់ប្រទេសប្រេស៊ីល ហើយរយ:ពេល ១៨ឆ្នាំនៅទីនោះលោក បង្ហាញខ្លួនសរុបបាន ៦៣៦ ស៊ុតបញ្ចូលទី ៦១៨គ្រាប់។ មុនផ្លាស់ទៅកាន់ New York Cosmos នៅឆ្នាំ ១៩៧៥ ដោយ២ឆ្នាំលោកបង្ហាញខ្លួនបាន ៦៤លើក ស៊ុតបញ្ចូលទីបាន ៣៧គ្រាប់៕
