បុរសសង្ហា ជាតារាសម្ដែងមានដើមកំណើតមកពីខេត្តបន្ទាយមានជ័យលោក ខាត់ វ៉ៃហាំង កាលពីរាត្រីម្សិលមិញនេះ (២៧ មិថុនា ២០២១) បានបង្ហោះរូបថតស្អាតចំនួន ៥សន្លឹក ដែលលោកបានបញ្ជាក់ថានៅខ្លោងទ្វារខ្មោចព្រមទាំងរៀបរាប់ពីប្រវត្តិរបស់ខ្លោងទ្វារនេះផងដែរ។
សូមចុចអាន ពិតអត់ ឮល្ហិចល្ហៀងរឿង «ស្នាមស្នេហ៍សមុទ្ររាម» ត្រៀមបញ្ចាំងលើទូរទស្សន៍ PNN?
យោងតាមការបង្ហោះរបស់ផេកលោក ខាត់ វ៉ៃហាំង ដែលមានឈ្មោះជាភាសាអង់គ្លេសថា «ខ្លោងទ្វារខ្មោច គឺជាខ្លោងទ្វារខាងកើតនៃរាជធានីអង្គរធំ (រាជធានីនេះបានកសាងឡើងតាំងពីចុងស.វទី៩ ដោយព្រះបាទយសោវរ្ម័នទី១ ដែលពីមុនមានឈ្មោះថា យសោធរបុរៈ ឬគ្រីយសោធរបុរៈ តាមសិលាចារឹកសម័យកណ្ដាល ប្រជានុរាស្ត្រខ្លះទៀតហៅថា មហានគរ ឬ ឥន្ទ្រប្រ័ស្ថបុរី»។
តួឯកប្រុសពីភាពយន្តភាគ «ស្នាមស្នេហ៍សមុទ្ររាម» ដែលនឹងត្រៀមបញ្ចាំងនឹងស្ថានីយទូរទស្សន៍ភីអិនអិន រូបនេះក៏បានភ្ជាប់ជាមួយនឹង Hashtag ជាភាសាអង់គ្លេសដែលមានន័យជាខេមរភាសាដែរថា ឋានសួគ៌នៅកម្ពុជា (Paradise in Cambodia) ដែលមានន័យបញ្ជាក់ទឹកដីសុវណ្ណភូមិរបស់យើងមានកន្លែងស្រស់ស្អាតច្រើន ដែលប្រៀបប្រដូចបានទៅនឹងឋានសួគ៌ដូច្នេះដែរ។
ចង់ដឹងថាខ្លោងទ្វារខ្មោច ស្រស់ស្អាត និង មិនគួរឱ្យខ្លាចដូចជាឈ្មោះយ៉ាងណានោះសូមទស្សនារូបភាពខាងក្រោម៖
