Chinese Actors & Actresses ដែលជា ផេកហ្វេសប៊ុក គាំទ្រតារាចិន បានបង្ហោះរូបភាពជាច្រើនសន្លឹក ទាក់ទាញបាននូវការចាប់អារម្មរណ៍ និង ចិត្តអ្នកគាំទ្រតារាចិនបានយ៉ាងងាយ តាមរយៈការយករូបភាពតារាប្រុសចិនសង្ហាមកដាក់លើក្របសៀវភៅសរសេរ។
ក្របសៀវភៅ ដែលកំពុងតែធ្វើព្យុះភ្លៀងខ្លាំងលើបណ្ដាញសង្គមហ្វេសប៊ុក ព្រោះមានការចែករំលែកបន្តយ៉ាងច្រើនរហូតដល់ទៅ១,៨K Shares នេះ គឺគេបានកាត់តរូបភាពតួឯកប្រុសវ័យក្មេង និង កំពុងល្បីល្បាញនៅក្នុងពិភពភាពយន្តចិនមកដាក់បញ្ចូលលើក្របសៀវភៅសរសេរនីមួយៗ។
យោងតាមការបញ្ចេញមតិរបស់អ្នកគាំទ្រមួយភាគធំ នៅលើផេក «គ្មានបានរៀនទេ រវល់តា៎មេីលគ្របសៀវភៅ»
«ទិញមកអត់ហ៊ានសរសេរទៀតនិង»
«រៀនមិនចូលទេ មើលតែក្របសៀវភៅនិងឯង»
«ទិញដាក់តាំងជុំវិញខ្លួនពេលប្រឡង»
«អ្នកលក់ហ្អា៎! ខ្ញុំយក១មុខ ១ក្បាល ដាក់ឲ្យគ្រប់មុខមក ឲ្យតែមុខស្អាតៗអីចឹងខ្ញុំយកទាំងអស់ បើរូបអាបុិ 2 នាក់លើគេហ្នឹងសុំឲ្យច្រើនជាងគេតិចមក»
តែក៏មានមតិមួយចំនួនមិនបានបង្ហាញពីការគាំទ្រចំពោះការយករូបតារាប្រុសសង្ហាជនជាតិចិនមកដាក់លើក្របសៀវភៅសរសេរនោះទេ ព្រោះនឹងធ្វើឱ្យកូនសិស្សជាអ្នកសិក្សាបាត់សមាធិ
«គ្របសៀវភៅចឹងរៀនចូលដែរ អង្គុយមើលតែគ្របសៀវភៅមិនបានស្តាប់គ្រូពន្យល់ទេ អាឡែងតែមើលសៀវភៅហ្នឹងទៅ មិនបាច់រៀនទេ…»
