តារាចម្រៀង-តារាសម្ដែងល្បី Tono ព្រួយចិត្តខ្វល់ពីប្អូនស្រី និង គូស្នេហ៍ ដែលស្នាក់នៅផ្ទះជិតរោងចក្រផ្ទុះ រហូតត្រូវគេចខ្លួនរកទីទួលសុវត្ថិភាពទាំងសំលៀកបំពាក់គេង ខណៈខ្លួននៅសមបាល់ទាត់ត្រៀមប្រកួត។
ហេតុការណ៍ផ្ទុះរោងចក្រគីមី ដ៏កក្រើកបានធ្វើឱ្យ Tono ស្ទើតែដាច់ដង្ហើមព្រោះតែខ្លួននៅឆ្ងាយ ព្រោះកំពុងសម្ងំហ្វឹកហាត់ត្រៀមប្រកួត AFC Champion League ជាមួយនឹងក្រុម Ratchaburi Mitr Phol F.C. ខណៈម្ដាយ ប្អូនស្រី នៅផ្ទះតែពីរនាក់ ចំណែកផ្ទះមានចម្ងាយត្រឹម៦០០ ម៉ែត្រពីរោងចក្រ ចំណែកគូស្នេហ៍ Nicha ក៏ស្ថិតនៅក្បែរកន្លែងផ្ទុះដូចគ្នា។
ខណៈនេះគ្រួសារ Tono គ្រួសារ Nicha ភៀសខ្លួនទាំងឈុតគេង ទៅរកកន្លែងមានសុវត្ថិភាពរួចរាល់ហើយ ចំពោះការខូចខាតនៅមិនទាន់អាចប៉ាន់ស្មានបាននៅឡើយទេ គ្រាន់តែដឹងថាពិដានជ្រុះធ្លាក់ពេញក្នុងផ្ទះ តែសំណាងដែលកញ្ចក់មិនបានបែក។
ក្រៅពីគ្រួសារតារាទាំងពីរខាងលើកំលោះ Toomtam តារាចម្រៀង- តារាសម្ដែង អតីតម្ចាស់ពានកម្មវិធីប្រឡង The Star រដូវកាលទី៧ ដែលមានផ្ទះនៅក្បែររោងចក្រដែលបានផ្ទុះឆេះនោះ ក៏បានភៀសខ្លួនរកកន្លែងមានសុវត្ថិភាពដូចគ្នា។
ហេតុការណ៍ដ៏អាក្រក់នេះបានធ្វើឱ្យ ខូចខាតផ្ទះយ៉ាងហោច ៧០ខ្នង យានបន្ត ១៥គ្រឿង អ្នកពន្លត់អគ្គិភ័យស្ម័គ្រចិត្តមា្នក់បានស្លាប់ និង មានមនុស្ស២០នាក់ផ្សេងទៀតបានរងរបួស។
គួរដឹងដែរថាហេតុការណ៍ឆេះរោងចក្រគីមី មីង ឌីហ៍ (Ming Dih Chemical) បានកើតឡើងនៅថ្ងៃអង្គារវេលាម៉ោង ២ ទាបភ្លឺ ស្ថិតក្នុងទីតាំងស្រុក បាងភ្លី (Bang Phli) ខេត្ត សាមុត ប្រាកាណ (Samut Prakan Province)៕
