ក្លិបបាល់ទាត់ខេត្តព្រៃវែង នៅថ្ងៃសៅរ៍ទី០ឥ៣ ខែមិថុនា ឆ្នាំ២០២៣ បានប្រកាសជាផ្លូវការនាំចូលខ្សែប្រយុទ្ធចំណូលថ្មីសញ្ជាតិ Myanmar កីឡាករ THIHA ZAW ដែលមកចូលរួមជាមួយក្លិបបាល់ទាត់ខេត្តព្រៃវែងសម្រាប់រដូវកាលឆ្នាំ ២០២៣នេះ និងត្រៀមប្រកួតពានរង្វាន់ KCC Pre-season Cup 2023។
ម្ចាស់អាវលេខ៩ រូបនេះធ្លាប់បហ្រកបអាជីពនៅក្លិប Ayeyawady United នៅឆ្នាំ២០១២ រហូតដល់ឆ្នាំ២០២០ និងក្លិប Shan United នៅឆ្នាំ២០២១។ កីឡាករកម្ពស់ ១.៧២ម៉ែត្ររូបនេះមុនមកចូលរួមជាមួយ ព្រៃវែង រូបគេគឺជាខ្សែប្រយុទ្ធ របស់ក្លិបបាល់ទាត់ខេត្តកោះកុង។
គួរបញ្ជាក់ថា ក្លិបបាល់ទាត់ខេត្តព្រៃវែង បានចូលរួមប្រកួតពានរង្វាន់ KCC Pre-season Cup 2023 ដែលការប្រកួតគ្រោងនឹងចាប់ផ្តើមពីថ្ងៃទី១៧ ខែមិថុនា ដល់ថ្ងៃទី៩ ខែកក្កដា ឆ្នាំ២០២៣។ ពានរង្វាន់ KCC-Preseason Cup 2023 មាន៦ក្រុមចូល ដែលមានដូចជា៖ ណាហ្គាវើលដ៍, Tiffy Army FC, ព្រៃវែង, នគរបាលជាតិ, អាយ អេស អាយ ដង្កោសែនជ័យ និងឡាយហ្វ (Life FC)៕
