ពានរង្វាន់ដ៍ធំប្រចាំទ្វីបអ៊ឺរ៉ុប UEFA Champion League រដូវកាល ២០២២-២៣ បានឈានដល់ផ្តាច់ព្រ័ត្រ ដោយ Manchester City នឹងត្រូវជួបជាមួយ Inter Milan នៅកីឡដ្ឋាន Atatürk Olympic ទីក្រុង Istanbul ប្រទេសតួកគី វេលាម៉ោង ២:០០ រំលងអធ្រាត្រ រាត្រីថ្ងៃទី១០ ឈានចូលព្រឹកថ្ងៃទី១១ ខែមិថុនា។
ក្រុមបាល់ទាត់ Man City ក្រោមការដឹកនាំរបស់លោក Pep Guardiola របស់ប្រទេសអង់គ្លេស បានយកឈ្នះអធិរាជស Real Madrid សរុបទាំងពីរជើង ៥-១ នៅវគ្គ៤ក្រុមចុងក្រោយ មុនឡើងមកវគ្គផ្តាច់ព្រ័ត្រ។
ខណ:ក្រុមបាល់ទាត់ Inter Milan ក្រោមការដឹកនាំរបស់លោក Simone Inzaghi របស់ប្រទេសអ៊ីតាលី បានយកឈ្នះ AC Milan មកពីអ៊ីតាលីដូចគ្នា សរុបទាំងពីរជើង ៣-០ នៅវគ្គ៤ក្រុមចុងក្រោយ មុនឡើងមកវគ្គផ្តាច់ព្រ័ត្រ។
ពានរង្វាន់ UEFA Champion League បង្កើតឡើងដំបូងនៅឆ្នាំ ១៩៥៥ ពោលគឺមានអាយុកាល ៦៨ឆ្នាំ ដោយ Real Madrid ឈ្នះពាននេះច្រើនជាងគេសរុប ១៤ដង ខណ: Inter Milan ធ្លាប់ឈ្នះបាន ៣ដង រីឯ Man City មិនដែលឈ្នះម្តងណាឡើយ៕
ISTANBUL, TURKEY – JUNE 09: Pep Guardiola, Manager of Manchester City, talks to Erling Haaland of Manchester City during the Manchester City Training Session ahead of the UEFA Champions League 2022/23 final on June 09, 2023 in Istanbul, Turkey. (Photo by Michael Regan – UEFA/UEFA via Getty Images) 
