អាហារ៖ បើនិយាយដោយសង្ខេប នំបញ្ចុកមានឈ្មោះដើមថា នំប៉ែនចុក គឺជានំដែលគេ យកម្សៅសម្រស់ទៅស្ងោរ ហើយបុកលាយទឹក រួចយកទៅច្រកក្នុងប៉ែនទើបយកស្នូលឈើ ចុកសង្កត់ ដើម្បីរោយទម្លាក់ជាសរសៃក្នុងទឹកពុះឲ្យឆ្អិន បន្ទាប់មកគេស្រង់ចាប់ជាចង្វាយៗ ដាក់ជាល ឬកញ្ច្រែង ទុកឲ្យស្រស់ទឹក។ ក្រោយមកគេក៏ហៅកាត់ៗថា នំបញ្ចុកវិញ។ ចង់ញ៉ាំនំបញ្ចុកឆ្ងាញ់ តែអត់ស្គាល់ទីតាំង កន្លែងលក់នំបញ្ចុកឆ្ងាញ់មែនអត់? ត្រយង មានទីតាំងណែនាំ!
នំបញ្ចុកនៅក្នុងសម័យបច្ចុប្បន្នមិនមែនគ្រាន់តែជាអាហារសម្រន់នោះឡើយ ប៉ុន្តែជាអាហារដែលកូនខ្មែរមិនអាចខ្វះបាន ហើយក៏ជាមុខអាហារសំខាន់នៅក្នុងកម្មវិធីផ្សេងៗជាច្រើនដូចជាឡើងគេហដ្ឋាន ពិធីបុណ្យ ឬកម្មវិធីជប់លៀងផ្សេងៗទៀត។ យ៉ាងណាមិញសម្រាប់បងប្អូនដែលជាអ្នកនិយមទទួលទាននំបញ្ចុក ហើយអត់ដឹងថាត្រូវទៅញ៉ាំនំបញ្ចុកឆ្ងាញ់កន្លែងណា? ត្រយងសូមណែនាំទីតាំងនំបញ្ចុកឆ្ងាញ់ អន្លក់ស្រស់ៗ សម្លមាន ២ប្រភេទ មានទាំងសម្លប្រហើរ និងការី ហើយមានទីតាំងនៅទួលសង្កែ ក្នុងខណ្ឌ ឫស្សីកែវ ដែលហាងនោះមានឈ្មោះថា «ហាងនំបញ្ចុកខ្មែរ»។
បងប្អូនអាចស្វែងរកទីតាំងហាងតាមរយៈបណ្ដាញសង្គមហ្វេសប៊ុកហើយវាយពាក្យ «ហាងនំបញ្ចុកខ្មែរ» ឬក៏អាចទាក់ទងទូរស័ព្ទលេខ៖ 011 958 803 ដើម្បីសាកសួររកអាស័យដ្ឋាន ឬព័ត៌មានលម្អិត។ តោះចាំអង្កាល់ទៀត? ម៉ោងបាយថ្ងៃត្រង់នេះ ទៅភ្លក់រសជាតិ នំបញ្ចុកខ្មែរ ឬ អ្នកចូលចិត្តនំប៉័ងសម្លការី ក៏អាចទៅហាងនំបញ្ចុកខ្មែរបានដែរ៕
