បុរសម្នាក់ត្រូវបានកប់ក្នុងអណ្ដូងនៅពេលដែលគាត់កំពុងស្ដារអណ្ដូង នៅថ្ងៃអាទិត្យ សប្ដាហ៍មុននេះ ក្នុងក្រុង Cayo Mambí ភាគខាងកើតនៃទីក្រុង Holguín ប្រទេសគុយបា។ នេះបើយោងតាមការចេញផ្សាយដោយសារព័ត៌មាន The LA News កាលពីល្ងាចថ្ងៃចន្ទ ទី១៣ ខែមិថុនា ឆ្នាំ២០២៣។
បុរសនោះមានឈ្មោះ Fernando Herrera Ramírez អាយុ ៦៣ឆ្នាំ ដោយធ្លាក់ចូលអណ្ដូងជម្រៅ ៤៥ហ្វីត (ប្រហែល ១៣ម៉ែត្រ) ដោយឧបទ្ទេវហេតុ ត្រូវបានគេជួយសង្រ្គោះកាលពីថ្ងៃចន្ទ។
អំឡុងពេលស្ដារអណ្ដូង ដោយសារតែដីមានសំណើម ក្រោយភ្លៀងធ្លាក់នាពេលថ្មីៗនេះ ដោយបណ្ដាលឲ្យដីទន់ហើយបាក់សង្កត់បុរសកិដ្ឋានម្នាក់នេះតែម្ដង។
យោងតាមរបាយការណ៍របស់ទូរទស្សន៍រដ្ឋ បានឲ្យដឹងថា ឧបទ្ទវហេតុនេះបានកើតឡើងប្រហែលម៉ោង ១០ព្រឹកនៅទីក្រុង Cayo Mambí ក្នុងតំបន់ Mícara ។
កងកម្លាំងមកពីបញ្ជាការទី៣០ រួមជាមួយនឹងអង្គភាពជួយសង្គ្រោះ Pedro Soto Alba បានចំណាយពេលជួយសង្រ្គោះបុរសម្នាក់នេះជាង ២៤ម៉ោង និងបញ្ជូនទៅសម្រាកព្យាបាលនៅមន្ទីរពេទ្យ៕
