សិល្បៈជាតិ៖ កម្មវិធី The Cambodia រដូវកាលទី៣ នេះ នៅតែទទួលបានការចាប់អារម្មណ៍និងគាំទ្រពីសំណាក់ទស្សនិកជន ព្រោះបេក្ខជនប្រកួតនីមួយៗមានភាពលេចធ្លោទាំងសមត្ថភាពសំឡេង និងសម្រស់។
នៅក្នុងចំណោមបេក្ខជន-បេក្ខនារី ទាំងអស់នោះ បេក្ខនារី សុខុម រចនា កូនក្រុមរបស់ Coach ឱក សុគន្ធកញ្ញាស្ថិតក្នុងចំណោមបេក្ខជនប្រកួតលំដាប់ Top ដែលអ្នកលេងបណ្ដាញសង្គមផ្ដោតការតាមដានជាពិសេស។ តើហេតុអ្វីទើបបានជាយុវតីរូបនេះ ទទួលបានការចាប់អារម្មណ៍ច្រើនពីមហាជន?
ចម្លើយនៃសំនួរខាងលើនេះ មិនពិបាកឆ្លើយនោះឡើយ ការដែលបេក្ខនារី សុខុម រចនា ត្រូវបានមហាជនតាមដានជាប់ជាពិសេសនោះ ព្រោះតែមានជាប់ពាក់ព័ន្ធនឹងរឿងច្រៀង Cover បទ «How About Now» បែបអកកេស របស់ម្ចាស់សំនៀងដើម G-Devith ដែលកញ្ញាបានលើកយកច្រៀងនិងបង្ហោះផ្សាយលើឆាណែល YouTube នាពេលកន្លងមក។
ជាមួយនឹងទឹកដមសំឡេងរបស់កញ្ញា ធ្វើឱ្យ Coach ចុចបង្វែរកៅអីទាំង៤ ដោយមិនពិបាកនោះឡើយ ហើយអ្នកគាំទ្រក៏ពេញចិត្តចំពោះការសម្រចចិត្តបង្វែរកៅអីរបស់ Coach ដូចគ្នា ប៉ុន្តែទន្ទឹងនឹងការសរសើរចំពោះកញ្ញាហើយនោះ គេសង្កេតឃើញអ្នកលេងបណ្ដាញសង្គមមួយចំនួនធំបានសម្ដែងអារម្មណ៍និងមតិមិនគាំទ្រចំពោះបេក្ខនារីរូបនេះក៏ច្រើនលើសលប់ដូចគ្នា។
សូមអាន៖ ឡាវ សុផា ក្លាហានលើកបទចម្រៀងខ្មែរលើមកប្រកួតក្នុងកម្មវិធីលំដាប់ពិភពលោក ដោយគិតផ្ទុយពីបេក្ខជនដទៃ
ចំពោះមូលហេតុដែលបង្កឱ្យមានមតិអវិជ្ជមានចំពោះកញ្ញា សុខុម រចនា នោះអាស្រ័យដោយគេយល់ឃើញថាកញ្ញាមិនបានផ្ដល់តម្លៃចំពោះម្ចាស់បទដើម គឺតារាចម្រៀង G-Devith នោះឡើយ។ អ្នកលេងបណ្ដាញសង្គមយល់ថាការដែលបេក្ខនារីរូបនេះ លើកឡើងត្រឹមពាក្យអរគុណចំពោះ 30M Views ដោយមិនមានរំលេចឬអរគុណចំពោះម្ចាស់បទ គឺជាទង្វើមួយមិនបានបង្ហាញពីការគោរព រហូតមានអ្នកខ្លះបានឱ្យឈ្មោះដល់កញ្ញា សុខុម រចនាថា «ខ្មើត» ឬ «អំនួត» ថែមទៀតផង។
ក្រៅពីបេក្ខនារីដែលរងនូវមតិរិះគន់ហើយនោះ Coach នៅក្នុងកម្មវិធី The Voice Cambodia ក៏ត្រូវបានអ្នកលេងបណ្ដាញសង្គមរិះគន់ដែរថា មិនបានសិក្សាឱ្យស៊ីជម្រៅ ប្រើពាក្យម្ចាស់បទ មិនប្រើពាក្យបទ Cover ឬច្រៀងឡើងវិញ ខណៈដែលបេក្ខនារីរូបនេះគ្រាន់តែជាអ្នកចម្រៀង Cover មិនមែនជាម្ចាស់បទចម្រៀងដើមនោះឡើយ។
ខាងក្រោមនេះគឺជាការដកស្រង់មតិមិនពេញចិត្តចំពោះបេក្ខនារីរូបនេះ៖
ទស្សនាវីដេអូផ្ទុះការរិះគន់ទាំងស្រុងខាងក្រោមនេះ
