អតីតនិស្សិតមកពីប្រទេសគុយបា អ្នកស្រី កែវ មនោរម្យ ត្រូវបានសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ប្រកាសតែងតាំងជានាយិកា វិទ្យាស្ថាន ជាតិអប់រំកាយ និងកីឡា។ នេះបើយោងតាមអនុក្រឹត្យលេខ ៤៣២ អនក្រ.តត ចុះនៅថ្ងៃទី២៤ ខែមេសា ឆ្នាំ២០២៣។
ក្នុងអនុក្រឹត្យនេះដែរ បានប្រកាសតែងតាំងមន្ត្រីរាជការចំនួន ០២ រូប របស់ក្រសួងអប់រំ យុវជន និងកីឡា ដូចមានរាយនាមខាងក្រោម៖
១- លោកស្រី ហ៊ូ សិទ្ធិសោភាល័យ អគ្គនាយករង នៃអគ្គនាយកដ្ឋានកីឡា
២- លោកស្រី កែវ មនោរម្យ ជានាយិកាវិទ្យាស្ថានជាតិអប់រំកាយ និងកីឡា
រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ រដ្ឋមន្ត្រីក្រសួងមុខងារ សាធារណៈ រដ្ឋមន្ត្រីក្រសួងអប់រំ យុវជន និងកីឡា រដ្ឋមន្ត្រីគ្រប់ក្រសួង និងប្រធានគ្រប់ស្ថាប័នដែលពាក់ព័ន្ធ និងសាមីខ្លួនដូចមានចែងក្នុងមាត្រា ១ ខាងលើ ត្រូវទទួលបន្ទុកអនុវត្តអនុក្រឹត្យនេះតាមភារកិច្ចរៀងៗខ្លួន ចាប់ពីថ្ងៃចុះហត្ថលេខាតទៅ៕
