សិល្បៈម៉ូដ៖ មុននេះបន្តិចផេកផ្លូវការ របស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា Samdech Hun Sen, Cambodian Prime Minister បានបង្ហោះរូបថតមួយសន្លឹករបស់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលជារូបថតបានថតតាំងពីឆ្នាំ១៩៩២មកម្ល៉េះ។
យោងតាមការរៀបរាប់របស់ផេកសម្ដេចរូបភាពដ៏កម្រមួយសន្លឹកនេះគឺបានថតដោយជាងថតមួយរូបតាំងពី៣១ឆ្នាំមុន ក្នុងខណៈដែលសម្ដេចកិត្តិព្រឹទ្ធបណ្ឌិតមានវ័យទើបតែ ៣៨ឆ្នាំ ប៉ុន្តែរូបថត ដែលជាងលួចថតដោយមិនឱ្យដឹងខ្លួននេះ បាននៅក្នុងម៉ាស៊ីនថតរបស់ជាងថតរូបនោះ មិនត្រូវបានផ្ដិតចេញមកឡើយជាច្រើនឆ្នាំ។ ក្រោយពេលជាងថតទទួលអនិច្ចកម្មជាច្រើនឆ្នាំទើបកូនគាត់បានរកឃើញហើយយករូបនេះបង្ហោះ ទើបរូបនេះបានធ្លាក់មកដល់ដៃរបស់សម្ដេច។
តាមរយៈរូបថតមួយសន្លឹកនេះ ធ្វើឱ្យមហាជនមានការចាប់អារម្មណ៍ខ្លាំងចំពោះការតុបតែងខ្លួនរបស់សម្ដេចកិត្តិព្រឹទ្ធបណ្ឌិត ជាមួយនឹងម៉ូដសក់បែបបវរកញ្ញាក្លាយនិងអាវផ្កាកបើកដៃទ្រ័រកា គឺជា Fashion ដ៏ពេញនិយមសម្រាប់នារីនាទសវត្សរ៍ទី៩០។
ខាងក្រោមនេះគឺជាការរៀបរាប់លម្អិតពីផេកសម្ដេចតេជោ៖ «វាជារឿងមិនគួរឲ្យជឿដែលខ្ញុំមើលរូបថតប្រពន្ធខ្លួនឯងមិនស្គាល់។ ក្រោយឃើញរូបថតនេះកូនៗប្រាប់ថាជារូបថតម៉ែតែខ្ញុំឆ្លើយមិនមែនទេគឺជារូបថតមនុស្សផ្សេងគ្រាន់តែទម្រង់មុខស្រដៀងគ្នាប៉ុណ្ណោះ។ម្សិលមិញភរិយាខ្ញុំថាជារូបថតគាត់ដែលជាងថតបានថតមិនឲ្យដឹងខ្លួនហើយរក្សាទុកនៅក្នុងម៉ាស៊ីនថតរបស់អ្នកថតរូបដែលគាត់មរណភាពច្រើនឆ្នាំមកហើយ។ពេលនេះកូនរបស់ជាងថតរូបបានរកឃើញនិងបង្ហោះចេញទើបយើងឃើញរូបថតនេះ។បើតាមពិនិត្យគាត់ថតប្រហែលឆ្នាំ១៩៩២ ក្នុងវ័យ៣៨ឆ្នាំ ដែលមានកូន៦នាក់ និង នៅរស់៥នាក់ស្លាប់ម្នាក់៕»
