ក្រុមបាល់ទាត់របស់ខេត្តស្វាយរៀង បានយកឈ្នះលើកក្រុមខេត្តកណ្ដាល ក្នុងលទ្ធផល ៥-២ ពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៧ រដូវកាល ២០២៣-២៤ (ថ្នាក់ខេត្ត) នៅទីលានវិទ្យាល័យ ស្វាយរៀង កាលពីល្ងាចថ្ងៃទី២១ មិថុនា។
ជ័យជម្នះនេះបានធ្វើឲ្យក្រុមស្វាយរៀង គឺជាក្រុមដំបូងគេដែលរកគ្រាប់បាល់ដោយការទាត់បាល់ប៉េណាំងទីបានចំនួន ៤គ្រាប់។ គ្រាប់បាល់ទាំង ៤នេះ គឺសុទ្ធសឹងជាការទាត់បញ្ចូលទីដោយប្រធានក្រុម កីឡាករ ខុម ពិសិដ្ឋ នៅនាទី១៧, ៣៩, ៤៥+៣ និង នាទីទី៧២។ ខណ: ២គ្រាប់របស់ កណ្ដាល រកបានដោយកីឡាករ ស៊ឹម យូណាថាន់ នាទី ១២ និងកីឡាករ សុវណ្ណ បុរីរក្ស នាទី ៤៧ (OG)។
ក្នុងជំនួនប្រកួតថ្ងៃពុធ ទី២១ ខែមិថុនា ឆ្នាំ២០២៣ ដូចគ្នាមន្ទី អយក ខេត្តត្បូងឃ្មុំ បានយកឈ្នះ ៤-៣ លើមន្ទី អយក ខេត្តកំពង់ឆ្នាំង នៅទីលានវិទ្យាល័យ ហ៊ុន សែន មេមត់។ ខណ:លទ្ធផលការប្រកួតថ្ងៃទី២០ ខែមិថុនា ឆ្នាំ២០២៣ មានខេត្តព្រះសីហនុ ២-៣ ខេត្តកែប ការប្រកួតធ្វើឡើងនៅទីលានវិទ្យាល័យ សម្តេចឪ និងខេត្តកំពង់ស្ពឺ ២-២ ភ្នំពេញហ្គាឡាក់ស៊ី ការប្រតួតធ្វើឡើងនៅទីលានវិទ្យាល័យ កំពង់ស្ពឺ។
ដូចនេះ សម្រាប់តារាងចំណាត់ថ្នាក់បណ្ដុះអាសន្ន ពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៧ រដូវកាល ២០២៣-២៤ (ថ្នាក់ខេត្ត) មាន៖ ភ្នំពេញហ្គាឡាក់ស៊ី ឈរកំពូលតារាង ពូល ក, ខេត្តត្បូបឃ្មុំ ឈរកំពូលតារាង ពូល ខ, ក្លិបបាល់ទាត់ឈើតុំ ឈរកំពូលតារាង ពូល គ និងខេត្តកំពង់ធំ ឈរកំពូលតារាង ពូល ឃ៕
