បញ្ចប់សប្ដាហ៍ទី៨ នៃពានរង្វាន់សម្តេចអគ្គមហាសេនាបតីតេជោ ហ៊ុន សែន លើក ទី១៧ ថ្នាក់ខេត្ត មានគ្រាប់បាល់ទាត់បញ្ចូលទីគ្នាទៅវិញទៅមក ២៣គ្រាប់ ក្នុងនោះក្រុមខេត្តត្បូងឃ្មុំ ឡើងឈរកំពូលតារាងជាក្រុមដែលរកគ្រាប់បាល់បានច្រើនជាងគេ ចំនួន ១៥គ្រាប់ តាមពីក្រោយដោយ កំពង់ឆ្នាំង ១៤គ្រាប់ និង កំពង់ចាម ចំនួន ១២គ្រាប់ ក្នុងចំណោមគ្រាប់បាល់សរុប ១៣៣គ្រាប់ ទាំង ៣៦ប្រកួត បញ្ចប់សប្ដាហ៍ទី៨។
មុនប្រកួតសប្ដាហ៍ទី៩ នៅរសៀលនេះ មកចាប់អារម្មណ៍តំណត់ត្រាសំខាន់ៗមួយចំនួនក្នុងពានរង្វាន់មួយនេះ៖
- អយក ត្បូងឃ្មុំ ជាក្រុមដែលរកគ្រាប់បាល់បានច្រើនជាងគេ ១៥គ្រាប់ ក្នុងចំណោមគ្រាប់បាល់សរុប ១៣៣គ្រាប់
- ក្រុមចំនួន ៥មិនទាន់ស្គាល់ពាក្យថាចាញ់ ឆ្លងកាត់សប្ដាហ៍ទី៨ មាន៖ ភ្នំពេញហ្គាឡាក់ស៊ី, ខេត្តត្បូងឃ្មុំ, ក្លិបបាល់ទាត់ឈើតុំ, ខេត្តកំពង់ធំ និងខេត្តមណ្ដល់គិរី
- កីឡាករ ញ៉ែម ស្លែម៉ាន របស់ភ្នំពេញហ្គាឡាក់ស៊ី និងកីឡាករ ស៊ំ ព្រហស្បតិ៍្តសិទ្ធ របស់កំពង់ធំ រក្សា Clean Sheets បាន ២លើកដូចគ្នា ក្នុងចំណោមសរុប ១២លើក
- វិទ្យាល័យ ប៊ុនរ៉ានី ហ៊ុនសែន មេមត់ ប្រកួតបាន ២លើក មានចំនួនអ្នកចូលទស្សនាផ្ទាល់ ៣៩៤៨នាក់ ខណ:ទីលានឈើតុំ ប្រកួតបាន ២លើកមានអ្នកចូលទស្សនាផ្ទាល់ច្រើនជាគេ ៣ ៧២០នាក់ ឆ្លងកាត់ ៣៦ប្រកួត មានអ្នកទស្សនាផ្ទាល់សរុប ២ ១៧៤៣នាក់
- កីឡាករ ភឹម ចាន់វិសុទ្ធ របស់ភ្នំពេញហ្គាឡាក់ស៊ី រកគ្រាប់បាល់បានច្រើនជាងគេ ចំនួន ៦គ្រាប់ ក្នុងចំណោមគ្រាប់បាល់សរុប ១៣៣គ្រាប់
- សូហ្វីយ៉ាប៉ៃលិន ជាក្រុមដែលទទួលបានកាតពិន័យច្រើនជាងគេ ចំនួន ១៤កាត ក្រហម១ ក្នុងចំណោមកាតសរុប ចំនួន ១២៩កាត
- ចូត វិច្ឆិកា របស់សូហ្វីយ៉ាប៉ៃលិន ជាកីឡាករតែម្នាក់ទទួលបានកាតពិន័យច្រើនជាងគេ ចំនួន ៤កាត ក្រហម១ ក្នុងចំណោមកាតសរុប ចំនួន ១១៩កាត
- អាជ្ញាកណ្ដាល ស៊ន រីហ្សែល ដឹកនាំបាន ២ប្រកួត ចាយកាតច្រើនជាងគេ ចំនួន ១៥កាត ក្រហម ១ ក្នុងចំណោមកាតសរុប ចំនួន ១១៩កាត៕
