ក្លិបអ្នកមានបុណ្យ FC Barcelona បានប្រកាសនាំយកខ្សែបម្រើ Ilkay Gundogan ពីមេឃខៀវ Man City ដោយគ្មានតម្លៃខ្លួន (Free Agent) ក្រោយផុតកិច្ចសន្យា ពោលគឺ១៦ថ្ងៃបន្ទាប់ពីឈ្នះពាន UEFA Champions League រដូវកាល ២០២២-២៣។
ភ្លាមៗនោះលោក Pep Guardiola ក៏បានចុះហត្ថលេខានាំយកខ្សែបម្រើពីតោខៀវ Chelsea កីឡាករ Mateo Kovacic ក្នុងតម្លៃ ២៥លានផោន ជាមួយកិច្ចសន្យារយៈពេល ៤ឆ្នាំ ដើម្បីជំនួសកៅអី Gundogan ម្ចាស់អាវលេខ៨។
Mateo Kovacic ចូលរួមជាមួយ Chelsea ដំបូងនៅឆ្នាំ ២០១៨ ក្នុងនាមជាកីឡាករខ្ចីជើងពី Real Madrid និងទិញផ្តាច់នៅឆ្នាំ ២០១៩ ក្នុងតម្លៃ ៣០លានផោន បង្ហាញខ្លួនសរុប ១៤២ប្រកួត ឈ្នះពាន ៤គ្រឿង។
ក្លិបបាល់ទាត់ Manchester City បានគ្រងជើងឯក UEFA Champions League រដូវកាល ២០២២-២៣ ក្រោយឈ្នះ Inter Milan ក្នុងលទ្ធផល ១-០ នៅកីឡដ្ឋាន Atatürk Olympic ទីក្រុង Istanbul ប្រទេសតួកគី បន្ទាប់ចាយពេល ៦៨ឆ្នាំទើបអាចឈ្នះពាននេះជាលើកដំបូងក្នុងប្រវត្តិសាស្រ្ត៕
