TAEIL MOON សមាជិកក្រុមចម្រៀងបុរសមកពីកូរ៉េខាងត្បូង NCT បានបំបែកកំណត់ត្រាឯតទគ្គកម្មពិភពលោកដោយមានចំនួន Follower នៅលើ IG គ្រប់១លានគណនីលានជាងគេបំផុតក្នុងពិភពលោក។
គណនី IG របស់លោកដែលមានឈ្មោះថា mo.on_air ត្រូវបានប្រកាសនៅលើ App bubble ហើយត្រូវបានហ្វេនប្រមូលគ្នាទៅតាម Follow គណនីរបស់ TAEIL គ្រប់លេខ៧ខ្ទង់ត្រឹមរយៈពេល១ម៉ោងនិង៤៥នាទីប៉ុណ្ណោះ ក្រោយលោកបានធ្វើការផុសជាលើកដំបូងនៅលើគណនីនេះ។
នៅក្នុងនោះបុគ្គលល្បីកម្រិតពិភពលោកដែលធ្លាប់បង្កើតកំណត់ត្រាឯតទគ្គកម្មពិភពលោកដូចគ្នានេះដែរគឺអ្នកសារព័ត៌មាននិងជាអ្នកអត្ថាធិប្បាយព័ត៌មាន Sir David Attenborough ដែលបានបង្កើតគណនី IG នៅអាយុ៩៤ឆ្នាំដោយចាប់ផ្ដើមលេងដំបូងនៅខែកញ្ញាឆ្នាំ២០២០ ដែលគណនីនេះបង្កើតឡើងដើម្បីផ្សព្វផ្សាយពីបញ្ហាបំរែបំរួលអាកាសធាតុ។
បុគ្គលទីពីរដែលបានបំបែកមកំណត់គឺតារាសម្ដែងដ៏ល្បីល្បាញ Jennifer Aniston ដែលបានបង្កើតគណនីចូលរួមក្នុងបណ្ដាញសង្គម IG នៅខែតុលាឆ្នាំ២០២០ ហើយបង្កើតបំបែកកំណត់ត្រាឯតទគ្គកម្មពិភពលោកដោយមានចំនួន Follower គ្រប់១លានគណនីក្នុងរយៈពេល ៥ម៉ោង និង ១៦នាទី។ បន្តមកទៀត លោក Rupert Grint តារាសម្ដែងពីភាពយន្តជាស៊េរី Harry Potter ដែលធ្លាប់បង្កើតឯតទគ្គកម្ម Follower លើ IG រយៈពេល ៤ម៉ោង និង ១នាទីនៅពេលបង្កើតគណនី IG ដំបូងកាលពី ខែវិច្ឆិកា ឆ្នាំ២០២០ ដើម្បីប្រកាសដំណឹងកំណើតកូនស្រី។
តារាបាល់ទាត់ដ៏ល្បី David Beckham ុ Pope Francis និង Meghan ភរិយារបស់ព្រះអង្គម្ចាស់ Harry នៃចក្រភពអង់គ្លេសក៏បានជាប់ក្នុងកំណត់ត្រាឯតទគ្គកម្មប្រភេទដូចគ្នានេះដែរ។
ងាកមក TAEIL ម្ចាស់កំណត់ត្រាឯតទគ្គកម្មពិភពលោកថ្មីបាន Follow ត្រឹមតែគណនី ៧ប៉ុណ្ណោះ ដែលគណនីទាំង៧នោះគឺជាសមាជិករួមក្រុម NCT របស់ខ្លួន។ ក្រុម NCT បានបញ្ចេញសកម្មភាពសិល្បៈដំបូងក្នុងឆ្នាំ២០១៦ ដោយពេលនេះ TAEIL ស្ថិតក្នុងផ្នែកមួយនៃ NCT U និង NCT 127។
អាល់ប៊ុមរបស់ NCT 127 ដែលបានចេញលក់កាលពីខែមីនាឆ្នាំ២០២០ ស្ថិតនៅលើតារាង Billboard 200 ឬនិយាយដោយងាយថាបទបម្រៀងរបស់ក្រុមនេះ ជាប់ជាបទចម្រៀងពេញនិយមក្នុងចំណោមបទចម្រៀង ២០០បទ នៅលើតារាងចាត់ចំណាត់ថ្នាក់បទចម្រៀង Billboard រយៈពេល ១០សប្ដាហ៍ ហើយក្រោយមកបានឡើងរហូតដល់ Top5 ឬលំដាប់ទី៥ នៃតារាងចាត់ចំណាត់ថ្នាក់បទចម្រៀងដ៏ពេញនិយមកម្រិតពិភពលោក ខណៈអាល់ប៊ុមពេញទីពីររបស់ NCT ដែលមានឈ្មោះថា RESONANCE បានចេញលក់ក្នុងឆ្នាំជាមួយគ្នាតែនៅខែតុលាបានបង្កើតកំណត់ត្រាលក់ដាច់២លានអាល់ប៊ុម។
ត្រឹមឆ្នាំ ២០២១ នេះ ក្រុម NCT មានសមាជិកចំនួន ២៣នាក់ ដោយចេញអាល់ចំនួន៧ ក្នុងនោះមានពីរបានឡើងដល់ Top10 នៃតារាងចាត់លំដាប់ថ្នាក់ Billboard 200 នៅសហរដ្ឋអាមេរិក។
គួរដឹងដែរថា TAEIL មានឈ្មោះពិត Moon Tae IL កើតនីថ្ងៃទី១៤ ខែមិថុនា ឆ្នាំ១៩៩៤ មានកម្ពស់១,៧៥ សង់ទីម៉ែត្រ មានឈាមប្រភេទ ០ មានដើមកំណើតកើតនៅទីក្រុង សេអ៊ូល សាធារណរដ្ឋកូរ៉េខាងត្បូង និង មានប្អូនស្រីម្នាក់អាយុនប្អូនគេចំនួន ៣ឆ្នាំ៕
