សិល្បៈជាតិ៖ បុរសឯក វន សិលា កំពុងត្រៀមខ្លួនចេញទៅប្រកួតនៅលើវេទិកា Mister Supranational International 2023 នៅប្រទេសប៉ូឡូញឆាប់ៗនេះ។ ការប្រកួតយ៉ាងស្វិតស្វាញនេះបានឈានមកដល់ដំណាក់កាលនៃការបោះឆ្នោតពីអ្នកគាំទ្រហើយ ទើបបុរសឯករូបនេះបានសុំក្ដីសង្ឃឹមពីហ្វេនអ្នកគាំទ្រជួយ Vote ក្នុង SupraChat App ដើម្បីឱ្យខ្លួនបានចូលទៅកាន់វគ្គ Top 24 អូតូម៉ាទិក។
ចូលអាន៖ វន សិលា និង ជីលី ទេវី ត្រៀមចេញដំណើរទៅប្រកួតនៅប្រទេស ប៉ូឡូញ
ដើម្បីចូលរួមបោះឆ្នោតចំពោះបុរសឯកកម្ពុជាយើង ជំហានដំបូង ហ្វេនអ្នកគាំទ្រទាំងអស់ត្រូវចូលទៅដោនឡូត App នៅក្នុងទូរស័ព្ទដៃដែលមានឈ្មោះថា Miss Supranational ជាមុនសិន បន្ទាប់មកធ្វើការតំឡើង។ ក្រោយពេលតំឡើងរួចរាល់ ហ្វេនទាំងអស់គ្នា ត្រូវចូលទៅក្នុង App រកមើលពាក្យថា Vote ហើយត្រូវជ្រើសរើសយក Group5 ដែលមានរូបបេក្ខភាពកម្ពុជា នោះគឺបុរសឯក វ៉ន សិលា ។ ពេលចូលទៅកាន់ Group5 ហើយ អ្នកទាំងអស់គ្នាត្រូវអូសចុះក្រោម រួចមើលលេខរៀងទី ៨ ហើយចុចលើរូបភាពរបស់លោក វន សិលា រួចចុចយកពាក្យថា Vote ជាការស្រេចដោយមិនចំណាយថវិកា។ ប៉ុន្តែបើអ្នកទាំងអស់គ្នាចង់បោះឆ្នោតបន្ថែមទៀត ការ Vote ចំនួន ៣ សំឡេងដោយចំណាយ 0.99 ដុល្លារតែប៉ុណ្ណោះ។
គួរដឹងបន្ថែមថា ចំពោះការ Vote ជាសកលនេះ គឺត្រូវបានកំណត់ថេរវេលាចំនួន ៤៨ ម៉ោង ពោលគឺ ២ ថ្ងៃដែលត្រូវអស់សុពលភាពនៅថ្ងៃទី ២៩ មិថុនា នេះហើយ។ ការប្រកួត Mister Supranational International 2023 នឹងធ្វើការប្រកួតផ្ដាច់ព្រ័ត្រនៅថ្ងៃទី ១៦ ខែកក្កដា ឆ្នាំ ២០២៣នេះ។
សូមជម្រាបថា បុរសឯក វន សិលា ក្រៅពីជាម្ចាស់តំណែង Mister Supra Cambodia 2023 ហើយនោះ លោកក៏ធ្លាប់ជាបុរសឯកដែលធ្លាប់ឈ្នះពានពីការប្រកួត Mister Cambodia រដូវកាលទី ៣ ឆ្នាំ ២០១៩ ។ លោក វន សិលា គឺជាបេក្ខភាពជើងខ្លាំងរបស់កម្ពុជាមួយរូបដែលមានទាំងរូបសម្រស់ និង ចំណេះដឹងទូលំទូលាយ ហើយអ្នកគាំទ្ររំពឹងថា លោកអាចនឹងឈានចូលដល់វគ្គ Top កំពូលៗណាមួយរបស់កម្មវិធីផងដែរ៕
