ក្រុមកីឡាចំបាប់ U-17 កម្ពុជា ដណ្ដើមបានមេដាយ ៣គ្រឿង ក្នុងថ្ងៃបើកឆាកការប្រកួត ជ្រើសរើសជើងឯកយុវជនអាស៊ីអាគ្នេយ៍ ឆ្នាំ២០២៣ ថ្ងៃទិ២៨ មិថុនា នៅប្រទេសថៃ។
មេដាយដណ្ដើមបាន រួមមាន៖
- មេដាយប្រាក់ ១គ្រឿង ដណ្ដើមបានដោយកីឡាករ ស៊ីម ប្រសើ ទម្ងន់ ៤៥គីឡូក្រាម
- មេដាយប្រាក់ ១គ្រឿង ដណ្ដើមបានដោយកីឡាករ កីឡាការិនី នក់ ស៊ីណាត់ ទម្ងន់ ៥៣គីឡូក្រាម មេដាយសំរឹទ្ធ ១គ្រឿង ដណ្ដើមបានដោយកីឡាការិនី ស៊ីម ស៊ីធឺន ទម្ងន់ ៥៣គីឡូក្រាម
ខណ:ក្រុមកីឡាចំបាប់កម្ពុជា នៅសល់ការប្រកួតអាយុក្រោម ២០ឆ្នាំទៀត ដែលនឹងធ្វើការប្រកួតនាថ្ងៃទី២៩ ខែមិថុនាស្អែក។
រំលឹកថា សហព័ន្ធកីឡាចំបាប់កម្ពុជា បានបញ្ជូនកីឡាករ កីឡាករិនីចំនួន ០៩រូប ក្នុងនោះកីឡាការិនី ០៤រូប មកពីក្រសួងមហាផ្ទៃ ដើម្បីទៅចូលរួមការប្រកួតកីឡាចំបាប់ជ្រើសរើសជើងឯកយុវជនអាស៊ី-អាគ្នេយ៍ ឆ្នាំ២០២៣ អាយុក្រោម១៧ឆ្នាំ និងក្រោម២០ឆ្នាំ នៅព្រះរាជាណាចក្រថៃ កាលពីថ្ងៃទី២៧ ខែមិថុនា ឆ្នាំ២០២៣ ។
សូមជម្រាបជូនថា ព្រឹត្តិការណ៍នេះ ប្រព្រឹត្តទៅ ចាប់ពីថ្ងៃទី២២ ដល់ថ្ងៃទី៣០ ខែមិថុនា ឆ្នាំ២០២៣ នៅសាកលវិទ្យាល័យកីឡាជាតិថៃ (Thailand National Sports University) នាខេត្ត Phetchabun៕
