យោងតាមការបញ្ជាក់ពីផេកផ្លូវការរបស់ក្លិបបាល់ទាត់អាយ អេស អាយ ដង្កោសែនជ័យ កីឡាករ ស៊ុន សុវណ្ណរិទ្ធី ដែលជាសមាជិក និងជាប្រធានក្រុមរបស់ក្លិបបាល់ទាត់ អាយ អេស អាយ ដង្កោសែនជ័យ បានប្រកាសចូលនិវត្តន៍ពីបាល់ទាត់ ហើយកាលពីថ្ងៃទី៤ ខែកក្តដា ឆ្នាំ២០២៣ កន្លងទៅ
អតីតកីឡាករជម្រើសជាតិកម្ពុជា ចន្លោះឆ្នាំ២០០៧ ដល់ឆ្នាំ២០២១ ស៊ុន សុវណ្ណរិទ្ធី បានបង្ហាញខ្លួនឱ្យក្រុមជម្រើសជាតិ ២៩ប្រកួត និងរកគ្រាប់បាល់បាន ២គ្រាប់ថែមទៀតផងក្នុងនាមជាកីឡាករខ្សែការពារ។
បើនិយាយពិក្លិបអាជីពវិញ កីឡាករវ័យ៣៨ឆ្នាំរូបនេះ ចូលរួមជាកីឡាករអាជីបដំបូងគេនៅក្លិបណាហ្គាវើលដ៍ ចន្លោះឆ្នាំ២០០៨ ដល់ឆ្នាំ២០១០ បន្ទាប់មកបានចូលរួមជាមួយក្លិបភ្មំពេញក្រោន បាន១រដូវកាល ក្រោយមកបានទៅចូលរួមជាមួយក្លិបចាស់វិញគឺណាហ្គាវើលដ៍វិញ នៅឆ្នាំ២០១២ ដល់២០១៦ បន្ទាប់មកបានចាក់ចេញម្តងទៀត រួចបានទៅចូលរូមជាមួយក្លិបបឹងកេតនៅឆ្នាំ២០១៧ ដល់ឆ្មាំ២០១៩។
បន្ទាប់មករូបគេបានសម្រេចចិត្តទៅចូលរូមជាមួយក្លិបចាស់ម្តងទៀតនោះគឺណាហ្គាវើលដ៍ នៅឆ្នាំ២០២០ ដល់ ឆ្នាំ២០២១ បង្ហាញខ្លួនបាន១៥ប្រកួត និងចុងក្រោយនេះ ស៊ុន សុវណ្ណរិទ្ធី បានទៅចូលរូមជាមួយនិងក្លិបចំណូលថ្មី និងជាសមាជិកពានរង្វាន់ Cambodian premier League ពីឆ្នាំ២០២១ ដល់ពេលបច្ចុប្បន្ន បង្ហាញខ្លួនបាន១៧លើកថែមទៀតផង។
អ្វីដែលគួរឱ្យចាប់អារម្មណ៍នោះគឺ កីឡាករខ្សែរការពារឆ្នើមរូបនេះ ធ្លាប់ជួយឱ្យក្លិបភ្មំពេញក្រោន ឡើងទៅកាន់វគ្គផ្តាច់ព្រ័ត្រ នៃពានរង្វាន់កម្រឹតទ្វីបអាស៊ី AFC President’s Cup ដែលកាលនោះកោះចិនតៃវ៉ាន់ ជាម្ចាស់ផ្ទះ ប៉ុន្តែគ្រានោះក្រុមភ្នំពេញក្រោន មិនអាចយកឈ្នះក្រុមម្ចាស់ផ្ទះ Taiwan Power Company (បច្ចុប្បន្នមានឈ្មោះថា Taipower FC) បានឡើយ ដោយចប់ការប្រកួត ម្ចាស់ក្រុមម្ចាស់ផ្ទះបានយកឈ្នះដោយលទ្ធផលយ៉ាងចម្រុងចម្រាស់ ២-៣ កាលពីថ្ងៃទី២៥ ខែកញ្ញា ឆ្នាំ២០១១ កន្លងទៅ។
