កាលពីថ្ងៃទី០៥ កក្កដា សាលាតម្រង់ទិសបាល់ទាត់យុវជនអាយុក្រោម១៨ឆ្នាំ ខេត្ដរតនគិរី បានប្រកាស ស្វែងរកជំនួយ និងដៃគូរឧបត្ថម្ភ ដើម្បីកាំទ្រក្រុមចូលរួមប្រកួតពានរង្វាន់ជម្រើសជើងឯកយុវជនអាយុក្រោម១៨ឆ្នាំរបស់ សហព័ន្ធកីឡាបាល់ទាត់កម្ពុជា ឆ្នាំ២០២៣-២០២៤ នាពេលដ៏ខ្លីឆាប់ៗខាងមុខនេះ។
តាមរយ:សារបង្ហោះនៅលើហ្វេសបុកឈ្មោះ Ratana Soyotra បានសរសេររៀបរាប់ថា៖ «សេចក្តីប្រកាស ស្វែងរកជំនួយ និងដៃគូរឧបត្ថម្ភ សាលាតម្រង់ទិសបាល់ទាត់យុវជនអាយុក្រោម១៨ឆ្នាំ ខេត្ដរតនគិរី មានកិត្តិយសសុំជម្រាបដំណឹងដល់ពុកម៉ែ បងប្អូន អ្នកស្នេហាវិស័យកីឡាបាល់ទាត់ទាំងអស់ ឲ្យបានជ្រាបថា ក្រុមរបស់យើងត្រូវចូលរួមប្រកួតពានរង្វាន់ជម្រើសជើងឯកយុវជនអាយុក្រោម១៨ឆ្នាំរបស់ សហព័ន្ធកីឡាបាល់ទាត់កម្ពុជា ឆ្នាំ២០២៣-២០២៤ នាពេលដ៏ខ្លីឆាប់ៗខាងមុខនេះ»។
តាមរយ:សារបានបន្ថែមថា៖ «ដោយក្រុមយើងមានការខ្វះខាតថវិកា និងសម្ភារៈឯកសណ្ឋានសម្រាប់ប្រកួត ដូច្នេះសូមបងប្អូនសប្បុរសជនមេត្តាជួយឧបត្ថម្ភថវិកាតាមទឹកចិត្តរបស់បងប្អូន ជាការចូលរួមចំណែកជួយអភិវឌ្ឍបាល់ទាត់យុវជនខេត្តរបស់យើង និងជាពីសេសសម្រាប់ក្រុមហ៊ុន អាជីវកម្មផ្សេងៗ ដែលមានបំណងចង់ផ្សព្វផ្សាយបង្ហាញស្លាកយីហោ ឡូហ្កូរបស់ខ្លួន នៅលើអាវប្រកួត និងរូបភាពសកម្មភាពប្រកួតរបស់យើង អាចទំនាក់ទំនងតាមរយៈ លេខទូរស័ព្ទ និងតេលេក្រាម៖086867676/ 0972001335»៕
