ការប្រកួតកីឡាអត្តពលកម្មកម្រិតទ្វីបអាស៊ី 2023 Asian Athletics Championships លើកទី២៥ ដាក់វិញ្ញាសាចំនួន៤៣អោយប្រកួតប្រជែង កំពុងរៀបចំនៅពហុកីឡដ្ឋាន Supachalasai National Stadium រាជធានីបាងកក ប្រទេសថៃ ស្របពេលដែលប្រទេសអាស៊ានចំនួន២ហើយដែលដណ្តើមបានមេដាយក្នុងព្រឹត្តិការណ៍នេះ។
សម្រាប់ប្រទេសថៃ មេដាយទាំង៣គ្រឿង ដណ្តើមបានក្នុងវិញ្ញាសា៖
មេដាយមាស៖ វិញ្ញាសារត់បណ្ដាក់បុរស (4×100 metres) ដោយកីឡាករ Natawat Iamudom, Soraoat Dapbang, Chayut Khongprasit, Puripol Boonson
មេដាយប្រាក់៖ វិញ្ញាសាដេកាថ្លុង ដោយកីឡាករ Sutthisak Singkhon
មេដាយសំរឹទ្ធ៖ វិញ្ញាសារត់បណ្ដាក់នារី (4×100 metres) ដោយកីឡាការិនី Supawan Thipat, Supanich Poolkerd, On-Uma Chattha, Athicha Phetkun
អត្ថបទពាក់ព័ន្ធ៖ក្រោយឈ្នះមេដាយនៅស៊ីហ្គេម ឈុន ប៊ុនថន ត្រៀមដណ្ដើមមេដាយប្រចាំទ្វីប នៅលើទឹកដីថៃ
ចំណែកវៀតណាម វិញរកបានមេដាយសំរឹទ្ធិដោយកីឡាការិនី Nguyễn Thị Hường វិញ្ញាសាលោតចម្ងាយនារី។
សម្រាប់ក្រុមកម្ពុជា បានបញ្ជូនអត្តពលិកចំនួន៣រូបទៅប្រកួតប្រជែង ដោយក្នុងនោះមាន៖
-កីឡាករ ឈុន ប៊ុនថន ប្រកួតវិញ្ញាសា ៨០០ម៉ែត្របុរស, ១៥០០ម៉ែត្របុរស
-កីឡាករ ណឹប ចាន់យូរ៉ុង ប្រកួតវិញ្ញាសា ១០០ម៉ែត្របុរស, ២០០ម៉ែត្របុរស
-កីឡាការិនី ពក ពិសី ប្រកួតវិញ្ញាសាលោតចម្ងាយនារី
អត្ថបទពាក់ព័ន្ធ៖អត្តពលកម្ម អាស៊ី៖ ម្ចាស់ផ្ទះថៃ ប្រើផ្កាដែលមានចំណូលមហាសាល ជូនអត្តពលិកជ័យលាភី
សម្រាប់ការប្រកួត 2023 Asian Athletics Championships លើកទី២៥ ធ្វើឡើងពីថ្ងៃទី១២ ដល់១៦ ខែកក្កដា ឆ្នាំ២០២៣ ខណៈការប្រកួតលើកទី២៤ កន្លងទៅនៅ Hangzhou ប្រទេសចិន ប៉ុន្តែ ត្រូវរំសាយវិញ ដោយសារការរាតត្បាតនៃជំងឺកូវីដ-១៩។
សម្រាប់កម្ពុជា ធ្លាប់ឈ្នះមេដាយសំរឹទ្ធិចំនួន២គ្រឿង ក្នុងការប្រកួតលើកទី១ កាលពីឆ្នាំ១៩៧៣ នៅទីក្រុង Rizal ប្រទេសហ្វីលីពីន (1973 Asian Athletics Championships) កាលនោះប្រើឈ្មោះជាសាធារណរដ្ឋខ្មែរ ហើយកីឡាករ Oumvan Narith ឈ្នះមេដាយសំរឹទ្ធិវិញ្ញាសាចោលដុំដែក ហើយកីឡាករការិនី Proch Thin ឈ្នះមេដាយសំរឹទ្ធិវិញ្ញាសាចោលស្ន (Javelin Throw)៕
