សិល្បៈជាតិ ៖ ក្រោយចប់ការប្រកួតពីវេទិកាអន្តរជាតិ Miss Supranational ស្រាប់តែកញ្ញា លីវ ជីលី ប្រកាសដំណឹងមិនសប្បាយចិត្តឱ្យអ្នកគាំទ្របានដឹងថា កញ្ញាបានប្រហែសឱ្យចោរលួចលុយរហូតដល់ ១០០០ ដុល្លារ ដែលថ្លៃសម្រាប់ទុកបង់វ៉ាលីនិងត្រូវលួចបានទាំងឆ្នាំងសាកទូរស័ព្ទរបស់នាងទៀត។ ខណៈការប្រកាសដំណឹងនេះ កញ្ញាស្ថិតនៅក្នុងប្រទេសប៉ូឡូញនៅឡើយ។
Miss SupraCambodia រូបនេះបានបង្ហោះសាររៀបរាប់ថា ៖ «ថ្ងៃនេះ ជាថ្ងៃស៊យរបស់ខ្ញុំ បាត់លុយ 1000$ ថាទុកបង់វ៉ាលី ឥឡូវមានគេលួចយក ថែមទាំងយកឆ្នាំងសាកទូរស័ព្ទខ្ញុំទៀត (អនុស្សាវរីយ៍ដ៏អាក្រក់)»។
សូមជម្រាបថា បន្ទាប់ពីចូលរួមប្រកួត Miss Supranational នៅប្រទេសប៉ូឡូញដែលបញ្ចប់ការប្រកួតវគ្គផ្ដាច់ព្រ័ត្រនាព្រឹកថ្ងៃទី ១៥ ខែកក្កដា ឆ្នាំ ២០២៣នេះ ទោះជាកញ្ញា លីវ ជីលី មិនបានជោគជ័យចូលដល់វគ្គកំពូលណាមួយក៏ដោយ ក៏កញ្ញាបានប្រឹងប្រែងបង្ហាញសមត្ថភាពអស់ពីកម្លាំងកាយចិត្តផងដែរ។
ដោយែឡក Miss Supranational នៅក្នុងឆ្នាំ ២០២៣នេះ ក៏បានរកឃើញហើយដែរ គឺបានទៅលើកញ្ញា Andrea Aguilera ជា Miss Supranational Ecuador ជានិស្សិតផ្នែកធុរកិច្ចអន្តរជាតិ មានវ័យ ២២ ឆ្នាំ៕
