សិល្បៈជាតិ៖ នៅទីបំផុតតារាចម្រៀង នាង ដាវីន ព្រមបើកបង្ហាញមុខស្រីស្អាតដែលជាគូស្នេហ៍ឱ្យមហាជនបានស្គាល់ហើយ បន្ទាប់លោកនិងស្រីស្អាតរូបនេះមានទំនាក់ទំនងបែប Private អស់រយៈពេល ២ ឆ្នាំ។
ស្របពេលគម្រប់ខួប ២ឆ្នាំនៃចំណងស្នេហាផ្អែមល្ហែមរបស់អ្នកទាំងពីរ លោក នាង ដាវីន បានបង្ហោះសារយ៉ាងវែងអន្លាយនៅលើបណ្ដាញសង្គមហ្វេសប៊ុក ដែលធ្វើឱ្យអ្នកអានរួចហើយលើសជាតិស្ករបាន។
លោក នាង ដាវីន រៀបរាប់ថា ៖ «អរគុណដែលព្រមទទួលយកអ្វីដែលជាខ្ញុំ មិនថាថ្ងៃខាងមុខមានឧបសគ្គអ្វីទេយើងតស៊ូជាមួយគ្នាទៀតណា ពេលវេលាដែលយើងទាំងពីទន្ទឹងរង់ចាំជាយូរណាស់មកហើយអូន អូនបានបំពេញក្តីស្រមៃបងច្រើនណាស់ ឥឡូវបងគិតថាគួរតែបំពេញនូវក្តីស្រមៃឱ្យអូនវិញម្តងហើយ ❤️ អរគុណដែលអូនតែងតែយល់ពីបង យល់ពីការងាររបស់បង អូនតែងតែលើកទឹកចិត្តបង ទ្រាំពិបាកជាមួយបង អូនព្រមដើរផ្លូវជាមួយបងទាំងដែលដឹងថាបងគ្មានអ្វីទាំងអស់ តើអូនចាំបានទេបងធ្លាប់សួរអូនថា … បងក្រណាស់ ហើយបងមិនទាន់មានការងារអ្វីច្បាស់នោះទេ បងមានបន្ទុកជាមួយគ្រួសារ បងគ្មានអ្វីហ៊ឺហាដូចគេឡើយ «គាត់ថាអ្វីក៏អូនទទួលយកបានដែរអោយតែជាបង» រាល់ពេលដែលខ្ញុំជួបបញ្ហា គាត់តែងតែលើកទឹកចិត្តខ្ញុំ ហើយគាត់ប្រាប់ខ្ញុំថាទ្រាំបន្តិចទៅបង បងជាមនុស្សពូកែតិចទៀតបងធ្វើបានហើយ អូនលើកទឹកបងបែបនេះរហូត តាំងពីបងនៅចំណុចសូន្យ រហូតបានមកដល់ចំនុចមួយដែលល្អប្រសើរ ហើយអូនបានធ្វើអោយបងបានចាកចេញពីក្តីស្រមៃដ៏ធំរបស់បង »។
កំឡោះកំពូលញញឹមរូបនេះបានបន្តទៀតថា ៖ «ការខំប្រឹងប្រែងដើម្បីជួយប្អូនៗនឹងគ្រួសារ ជីវិតកូនដែលកំព្រាឪពុកទាំង២នាក់ ពួកខ្ញុំធ្វើការទាំងយប់ទាំងថ្ងៃ ដោយមិនខ្លាចការនឿយហត់ព្រោះតែចង់អោយខ្លួនមានជីវភាពធូរធារ លើកទឹកចិត្តអោយគ្នាម្នាក់ម្តងៗ ពេលដែលហត់ខ្លាំងពួកខ្ញុំតែងសួរគ្នាថា «ហត់អត់ធ្វើការថ្ងៃនេះ»ហើយញញឹមដាក់គ្នាបន្តដំណើរទៅមុខទៀត។ យើងតស៊ូលំបាកស្ទើរតែគ្រប់បញ្ហាមាន ផ្អែម ល្វីង ជូរចត់ ពេលខ្លះយ៉ាងឈ្លោះគ្នាខ្លាំង តែយើងមិនដែលគិតថាបោះបង់ចោលគ្នាទេ ហើយក៏និយាយសុំទោសរៀងខ្លួន ។ រយៈពេល២ឆ្នាំនេះអូនបានបង្ហាញអោយបងឃើញថាអូនពិតជាមនុស្សស្រីដែលល្អណាស់សម្រាប់បង អរគុណរឿងល្អៗដែលយើងបានបំពេញអោយគ្នាកន្លងមក អរគុណណាអូន លីម សុឆយី Ahh Meaw ❤️បងស្រឡាញ់អូនខ្លាំងណាស់»។
ក្រោយការបើកចំហពីទំនាក់ទំនងស្នេហានេះរួចមក មហាជនបានដឹងថា ការពិតគូស្នេហ៍របស់លោក នាង ដាវីន គឺជាស្រីស្អាតលក់ផលិតថែរក្សាសម្រស់នៅលើអនឡាញន៍ ហើយមហាជនជាច្រើននាក់បានចូលរួមអបអរចំពោះ លោក នាង ដាវីន និងមានអ្នកខ្លះទៀតបានជូនពរឱ្យលោកនឹងគូស្នេហ៍ឆាប់ចូលរោងការ និងស្រឡាញ់គ្នាដល់ចាស់កោងខ្នងទៀតផង។
សូមជម្រាបថា គិតមកដល់ត្រឹមពាក់កណ្ដាលខែកក្កដានេះ មានតារាចម្រៀងជាច្រើននាក់ណាស់បានទម្លាយពីទំនាក់ទំនងគូស្នេហ៍ដូចជា លោក វណ្ណដា លោក ថេណា លោក ខាយ និងតារាសិល្បៈមួយចំនួនទៀតផងដែរ៕
