ក្រុមបាល់ទាត់អធិរាជស Real Madrid ក្រោមការដឹកនាំរបស់លោក Carlo Ancelotti បានយកឈ្នះបិសាចក្រហម Manchester United ក្នុងលទ្ធផល ២-០ ព្រឹកថ្ងៃ២៧ ខែកក្កដា ឆ្នាំ២០២៣ នៅកីឡដ្ឋាន NRG Stadium សហរដ្ឋអាមេរិក។
២គ្រាប់ជ័យជម្នះរបស់ Real Madrid ស៊ុតដោយកីឡាករចំណូលថ្មីខ្សែបម្រើ Jude Bellingham នៅនាទី៦’ និងខ្សែប្រយុទ្ធ Joselu Mato (Bicycle kick) យ៉ាងស្អាតចុងម៉ោងនាទី ៨៩’។
ទស្សនាវីដេអូហាយឡាយ៖
ខ្សែបម្រើ Jude Bellingham ជនជាតិអង់គ្លេស ចូលរួមជាមួយ Real Madrid ក្នុងតម្លៃ ១០៧ លានដុល្លារ ជាមួយកិច្ចសន្យារយ:ពេល ៦ឆ្នាំ រហូតដល់ឆ្នាំ ២០២៩ ពីក្លិប Borussia Dortmund នៅល្ងាចថ្ងៃទី១៤ ខែមិថុនា ឆ្នាំ២០២៣។
ខ្សែប្រយុទ្ធ Joselu Mato អេស្ប៉ាញ ចូលរួមជាមួយ Real Madrid ដោយគ្មានតម្លៃ (Free Agent) ពីក្លិប Espanyol ខណ:កីឡាករវ័យ៣៣ឆ្នាំរូបនេះក៏ធ្លាប់ជាថ្នាលយុវជនរបស់ Real Madrid ចន្លោះឆ្នាំ ២០០៩-២០១២ ផងដែរ៕
