សិល្បៈជាតិ៖ ម្ចាស់មកុដ Miss Charam International កញ្ញា Luma Russo បានមកដល់ប្រទេសកម្ពុជាហើយ ដោយកញ្ញាបាននឹងកំពុងធ្វើទស្សនកិច្ចនៅតាមតំបន់រមណីយដ្ឋានប្រវត្តិសាស្ត្រនិងធម្មជាតិជាច្រើនទីតាំង។
ម្ចាស់មកុដឆ្នាំ ២០២៣ ដែលទើបនឹងឈ្នះពីការប្រកួតកម្រិតអន្តរជាតិនៅប្រទេសវៀតណាម នាង Luma បានធ្វើមកដល់កម្ពុជាក្នុងដំណើរទស្សនកិច្ចំនួន២យប់ និង៣ថ្ងៃ ដោយក្នុងនោះគោលដៅដែលកញ្ញាធ្វើដំណើរទៅនោះរួមមាន៖ ព្រះបរមរាជវាំង, សារៈមន្ទីជាតិ, វត្តភ្នំ , ផ្សារថ្មី, វិមានឯករាជ្យ , គោរពវិញ្ញាណក្ខន្ធ ព្រះបរមរតនកោដ្ឋ និង,សារមន្ទីរវាលពិឃាតជើងឯក។ ក្រៅពីនោះកញ្ញាក៏បានទៅដល់ខេត្តតាកែវ ដើម្បីទស្សនាប្រាសាទបុរាណខ្មែរ គឺប្រាសាទតាព្រហ្ម នៅទន្លេបាទីផងដែរ។
អ្នកលេងបណ្ដាញសង្គម និងនិយមវិភាគព្រឹត្តិការណ៍សង្គមខ្លះ បានដាក់ក្ដីរំពឹងខ្ពស់ថាវត្តមានរបស់ម្ចាស់មកុដ Miss Charm Interational ឆ្នាំ២០២៣ នឹងក្លាយជាផ្នែកមួយជួយផ្សព្វផ្សាយពីតំបន់ទេសចរណ៍ទាំងធម្មជាតិនិង ប្រវត្តិសាស្ត្រ របស់ប្រទេសកម្ពុជា ទៅកាន់ក្រសែភ្នែកភ្ញៀវទេសចរណ៍អន្តរជាតិ ដែលកំពុងតែពិចារណាចង់មកកម្សាន្តនៅប្រទេសកម្ពុជា តែមិនទាន់មានទំនុកចិត្តនិងជំនឿជាក់ ដោយសារតែធ្លាប់ស្ដាប់ឮដំណឹងចចាមអារ៉ាមផ្សេងៗ លើកឡើងមិនល្អពីកម្ពុជា ឱ្យបានឃើញពីភាពពិតជាក់ស្ដែង ថាកម្ពុជាមានសុខសុវត្ថិភាព និងមានទីកន្លែងដ៏ស្រស់ស្អាតជាច្រើនរង់ចាំស្វាគមន៍ភ្ញៀវទេសចរណ៍ ។
គួរដឹងថាកញ្ញា Luma Russo គឺជាបវរកញ្ញា Miss Charm តំណាងឱ្យប្រទេសប្រេស៊ីល កញ្ញាបានប្រកួតឈ្នះបេក្ខភាពមកពីបណ្ដាប្រទេសទាំង៣៧ទៀត ជុំវិញពិភពលោកហើយក្លាយជាម្ចាស់មកុដ Miss Charm International ដំបូងបង្អស់របស់ប្រទេសប្រេស៊ីល។ កម្មវិធីដែលបង្កើតឡើងជនជាតិវៀតណាមនេះបានរៀបចំឡើងក្នុងប្រទេសវៀតណាមកាលពីកំឡុងខែ កុម្ភៈ ឆ្នាំ២០២៣៕
