អ្នកគ្រូបង្ហាត់ ព្យ៉ាណូ និងជាលោកយាយមានចៅ៧នាក់ អ្នកស្រី Kimberly Ghedi ធ្លាប់គិតថាវ័យ៦០ឆ្នាំគឺជាទីបញ្ចប់ ប៉ុន្តែនៅពេលមានអាយុ៦៣ឆ្នាំ បានដាក់ពាក្យប្រកួត Ms.Texas Senior American Beauty Pageant នៅ Dallas អ្នកស្រីក៏ឈ្នះក្ដោបបានតំណែងជាកញ្ញាឯកវ័យចាស់រដ្ឋតិចសាស់ កាលពីថ្ងៃសៅរ៍កន្លងទៅ។
«រូបរាងខ្ញុំចាប់ផ្ដើមផ្លាស់ប្ដូរ ខ្ញុំមានអារម្មណ៍ថាមនុស្សស្បែកជ្រួញគ្មានអ្វីស្អាតទៀតទេ ខ្ញុំគិតច្រើនធ្វើជាមនុស្សមនុស្សស្រីត្រូវការនិយាយច្រើននោះគឺជាធម្មជាតិ»
ការប្រកួតនេះបើកចំហរសម្រាប់ស្ត្រីវ័យចាប់ពី៦០ ដល់៧៥ឆ្នាំ មានការបង្ហាញសមត្ថភាពរាំ Twirling បង្ហាញសមត្ថភាពអាវ៉ង់ មិនដូចការប្រកួតស្រីស្អាតវ័យក្មេង ការប្រកួតនេះមិនមានវគ្គស្លៀកឈុតហែលទឹក ប៉ុន្តែការប្រកួតនេះគឺជាការអបអរស្ត្រីរកឃើញខ្លួនឯងជាថ្មីម្ដងទៀត។
«ខ្ញុំចាប់ផ្ដើមមានអារម្មណ៍ល្អចំពោះខ្លួនឯងជាងរាប់ឆ្នាំកន្លងមកក្នុងជីវិតខ្ញុំ» នេះជាការឆ្លើយតបពីអ្នកស្រី Joyce Brown វិស្វករចូលនិវត្តន៍ និង ជាអ្នករាំ Tap Dance។ «អ្នកអាចរីកដូចផ្កាគ្រប់ពេលដែលអ្នកចង់ មិនថាអ្នកអាយុ៤០,៥០,៦០,៧០,ឬ៨០ឆ្នាំនោះទេ។ វាអាស្រ័យទៅលើចិត្តគំនិតរបស់អ្នកនិងអ្វីដែលធ្វើ។ ខ្ញុំរីករាយនឹងសប្បាយចិត្តក្នុងវ័យ៦០ឆ្នាំ»
ម្ចាស់តំណែង Ms.Texas កាលពីឆ្នាំ២៩៩១ លោកស្រី Vivian Kleinwacher បានប្រារព្ធពិធីខួបកំណើតអាយុ១០០ឆ្នាំរបស់អ្នកស្រីនៅក្នុងកម្មវិធីប្រកួត អ្នកស្រីថែមទាំងនិយាយថា «អាយុ១០០ឆ្នាំ អស្ចារ្យណាស់»
ម្ចាស់តំណែងឆ្នាំ២០២១ អ្នកស្រី Ghedi បានជូតទឹកភ្នែកចេញពីថ្ពាល់នៅក្នុងពេលបំពាក់មកុដ។ អ្នកស្រីបាននិយាយថាអ្នកស្រីចង់ជួយស្ត្រីវ័យចំណាស់ឱ្យរកឃើញខ្លួនឯង។
«ច្រើនលើកច្រើនសារដែលអ្នកដទៃមិនសូវខ្វល់ ព្រោះតែយើងជាមនុស្សចាស់។ ខ្ញុំគិតថានេះគឺជានេះគឺជារឿងខុសឆ្គងមួយក្នុងសង្គម។ ខ្ញុំចាប់ផ្ដើមហាត់ប្រាណកាលពីអាយុ៦០ឆ្នាំ។ ពីមុនមកខ្ញុំមិនដែលហាត់ប្រាណទេ។ ពេលនេះខ្ញុំមានរូបរាងស្អាតនិងមាំបំផុត ដែលពីមុនមកខ្ញុំមិនធ្លាប់មានសោះ ព្រោះកាលពីអាយុ១៩ឆ្នាំ ខ្ញុំស្គមសឹងស្បែកដណ្ដប់ឆ្អឹង។»
