ហ្វេនសរសើរ Rihanna ព្រោះតែភាពសាមញ្ញរបស់តារារូបនេះចំពោះការឆ្លើយតបរឿងដែលខ្លួនទើបតែទទួលបានងារជាមហាសេដ្ឋីនី។
សូមចុចអាន តារាចម្រៀង Rihanna មានឋានៈជាមហាសេដ្ឋីនីផ្លូវការហើយ!
ទស្សនា Forbes បានបើកបង្ហាញឱ្យមហាជនបានដឹងកាលពីថ្ងៃទី ៤ ខែសីហា ឆ្នាំ២០២១ ថា Rihanna មានទ្រព្យសម្បត្តិមិនជាប់បំណុលប្រហែលជា១.៧ពាន់លានដុល្លារ ដែលទឹកប្រាក់ទាំងអស់នេះភាគច្រើនបានមកពីស្លាកសញ្ញា Fenty Beauty ផលិតផលគ្រឿងសំអាង។ បច្ចុប្បន្នតារាចម្រៀងវ័យ៣៣ឆ្នាំនេះគឺជាស្ត្រីដែលមានជាងគេលំដាប់ទីពីរនៅក្នុងពិភពសិល្បៈតាមពីក្រោយពិធីករល្បី Oprah Winfrey។
នៅពេលដែលសារព័ត៌មានតាមសួរនាំពីចំណាប់អារម្មណ៍របស់សាមីខ្លួនក្រោយមានងារជាមហាសេដ្ឋីនី ដែលកើតពីកម្លាំងញើសឈាមរបស់ខ្លួន RiRi បានឆ្លើយយ៉ាងសាមញ្ញ ដោយពាក្យ៣ ម៉ាត់ថា «ព្រះជាម្ចាស់មានចិត្តល្អ»
Ncki Minaj តារាចម្រៀងដែលច្រៀងរួមគ្នាក្នុងបទចម្រៀង «Rainning Men» រួមជាមួយនឹងតារាចម្រៀងជាច្រើនទៀតបានបង្ហាញនូវការចូលរួមអបអរសាទរនិងលើកសរសើរចំពោះ RiRi ចំពោះងារជាអ្នកមានស្ដុកស្ដម្ភ។
គួរដឹងដែរថាភ័ព្វសំណាងរបស់ RiRi មិនមែនបានមកដោយសារអាជីពជាអ្នកតន្ត្រីឬអ្នកសិល្បៈនោះទេ តែបានមកពីអាជីវកម្ម Fenty Beauty ដែលបានបង្កើតឡើងនៅឆ្នាំ២០១៧ និងមានភាគហ៊ុនរហូតដល់ទៅ៥០ភាគរយដែលគិតជាទ្រព្យសម្បត្តិប្រមាណជា ១.៤ពាន់លានដុល្លារ។ ខណៈដែលទ្រព្យសម្បត្តិរបស់ Rihanna ផ្សេងទៀតគឺស្ថិតក្នុង Savage x Fenty Lingerie Brand ដែលមានគិតជាទ្រព្យមានប្រមាណជា ២៧០លានដុល្លារ ព្រមទាំងជាមួយនឹងប្រាក់ដែលនាងរកបានក្នុងឋានៈជាតារាចម្រៀងនិងជាតារាសម្ដែង៕
