សិល្បៈជាតិ៖ ទើបតែ​ចូលមក​ដល់​ដើមឆ្នាំ ២០២៤នេះ មិនទាន់បាន​ចំហាយ​ឆ្លង​ឆ្នាំ​ស្រួលបួល​ផង ស្រាប់តែ​តារាចម្រៀង​នៅ​ផលិតកម្ម​ថោ​ន គឺ​លោក​ករុណា ពេជ្រ បាន​ចេញមក​ត្អូញត្អែ​ប្រកាស​ក្ស័យធន​អស់​លទ្ធភាព​បង់​រំ​លស់​ផ្ទះ​បន្ត ពី​ជីវភាព​ដែល​មិនសូវ​លូតលាស់ រហូតដល់​លោក​បង្ហោះ​សារ​លាតត្រដាង​អារម្មណ៍​យ៉ាង​ភ្ញាក់ផ្អើល​ព្រាត​ពេញ​បណ្ដាញ​សង្គម​ហ្វេ​ស​ប៊ុ​ក។ តើ​មានរឿង​អ្វី​កើតឡើង?

លោក ករុណា ពេជ្រ បាន​សរសេរ​សារ​នៅលើ​បណ្ដាញ​ទំនាក់ទំនង​សង្គម​ហ្វេ​ស​ប៊ុ​ក​យ៉ាង​ដូច្នោះ៖  «ស្រលាញ់​ផ្ទះ ស្តាយ​លុយ ប៉ុន្តែ​ធ្វើ​ម៉េច ខ្ញុំ​លែងមាន​សមត្ថភាព បង់រំលស់​បន្ត… ប្រហែល​នាពេល​ដ៏​ខ្លី​ខាងមុខនេះ ខ្ញុំ​នឹង​ប្រគល់​ផ្ទះ បី​ល្វែង​នេះ ជូនទៅ ម្ចាស់​គម្រោង​វិញ​ហើយ ដោយ​គ្មាន​ការតវ៉ាអី​ទេ ព្រោះ​មុន​ទិញខ្ញុំ​ជាមួយក្រុមហ៊ុន​សង់ផ្ទះ​មានកុងត្រាត្រឹមត្រូវហើយ យើង​ដឹង​ចំណុច​ណា យើង​ខុសពី​កុងត្រា ព្រោះ​យើង​បោះបង់​ការបង់ប្រាក់​មុនពេល​កំណត់… បន្ទាប់ពី​តស៊ូ បង់​រំ​លោះ អស់​រយៈពេល​ជិត ៤ ឆ្នាំកន្លងមក… ដោយ​គិតថា សន្សំៗ ទៅ​ក្រែង​លក់បាន​វិញ​ចំណេញ​ខ្លះ គ្រាន់​ដោះស្រាយ​ជីវភាព ប៉ុន្តែ​មិនគួរ​ចំ ពេលវេលា​កូ​វីដ​អូសបន្លាយ វិបត្តិ​សេដ្ឋកិច្ច​នៅលើ​ពិភពលោក ដែល​ធ្វើឱ្យគាំង លក់​អ្វី​ក៏​មិន​ចេញបង្វិល​លែងរួច..បើ​គិត​ជា ការប្រាក់ និងសាច់ប្រាក់​ដើម អស់​ជិត ២០ម៉ឺន​ដុល្លា..ហឹម »។

តារាចម្រៀង​ប្រុស​រូបនេះ​បន្តថា «មួយរយៈ​ប៉ុន្មាន​ឆ្នាំ​ចុង​ក្រោយនេះ ខ្ញុំ​ចំណាយលុយ​ច្រើន​ហួស ចំណាយ​មើលជំងឺ ប៉ា រហូត ដល់​ប៉ា​ស្លាប់ ធ្វើបុណ្យ​តាម​ប្រពៃណី​រួចរាល់​អស់​ជិត ៥០ម៉ឺន​ដុល្លា… ទីបំផុត​បង់ខាត​លើ​ការវិនិយោគ​ទិញ​ផ្ទះ ខាងលើជិត ២០ម៉ឺន ទៀត សរុបក្បែរ៧០ម៉ឺនដុល្លារ..ប៉ុន្តែ ខ្ញុំ​មិន​ស្តាយ ទឹកប្រាក់​ដ៏​ច្រើន​មួយ​នេះ​ទេ ព្រោះ​ជា​ប្រាក់​ដែល​ខ្ញុំ​ចំណាយ ចំពោះកាតព្វកិច្ចជា​កូនចំពោះ​ប៉ា ហើយ​មួយទៀត ជាការ​រកស៊ី​បង់ខាត​ដោយ​ទៀងត្រង់ មិនបានបន្លំ រឺកេងចំណេញ រួច​ចាញ់បោក​អ្នកណាម្នាក់​ទេ..សរសើរខ្លួនឯងជាពិសេសអរគុណខ្លួនឯងដែល​ប្រឹងប្រែង​រកស៊ី ដោយ​សុច្ចរិត សន្សំ​រហូត​មាន​លុយ​សុទ្ធ​យ៉ាងច្រើន​ប៉ុណ្ណេះ ទោះបីជា​វា​មិនបាន​ចាយ​ក៏ដោយ.. ប៉ុន្តែ sad តិចៗ រួចហើយក៏​ញញឹមប្រឹងប្រែង​បន្ត…ឆ្នាំ​ថ្មី ២០២៤ សូមឱ្យហេង ហេង រីឯ​ស៊យ សូមឱ្យ​អស់​ត្រឹមនេះចុះ…»។

បើ​ចាប់អារម្មណ៍​ខ្លាំង​ចំពោះ​សំណេរ​លោក ករុណ ពេជ្រ គឺ​បានឱ្យដឹងថា លោក​បាន​ខាតបង់​ប្រាក់​ជាច្រើន​សរុប​ក្បែរ​លាន​ដុល្លារ ថ្វី​ត្បិត តែ​បែបនេះ​ក្តី តែ​ក្នុង​រយៈពេល​នេះ ករុណា ក៏បាន​ប្រាប់ថា ក្នុងកំឡុងពេល ប៉ុន្មាន ខែ​នេះ ប្រសិនបើ​មាន​បងប្អូន​ណា មាន​ចំណាប់អារម្មណ៍ ចង់​បន្ត​ការទិញ ឬ​បង់​បន្ត ពី​ករុណា ពេជ្រ គឺ​អាចមក​ចរចារ បាន និង​លក់​វិញ​ត្រឹមតែ​ប្រាក់​ដើម ប៉ុណ្ណោះ ស្រប​ពេលដែល ខ្លួន មិនអាច​បន្ត​ដំណើរកា​រ​បង់ប្រាក់​រហូត​ចប់សព្វគ្រប់​នោះទេ ព្រោះ​ពេលនេះ ការរកស៊ី បាន​ខាត​ប្រាក់​អស់​ច្រើន គ្មាន​ប្រាក់​ដំកល់ សម្រាប់​បង់​បន្ត។

សូមជម្រាបថា ផ្ទះ​បី​ល្វែង ដែល​តារាចម្រៀង ករុណា ពេជ្រ បានប្រកាស​លក់​វិញ គ្រា​ដែល​គ្មាន​ប្រា​ក់បង់​បន្តទៀត​នោះ គឺមាន​ទីតាំង​ចំ​កណ្តាល​ក្រុងភ្នំពេញ ជាប់​និង មជ្ឈមណ្ឌល​សន្និបាត និង​ពិព័រណ៍​អន្តរជាតិ​ជ្រោយចង្វារ៕

Share.