សិល្បៈ​អន្តរជាតិ​៖ សមាជិក​រូប​សង្ហា​នៃ​ក្រុម​ចម្រៀង​ BTS ​បាន​បង្កើត​កំណត់ត្រាថ្មី​ជា​តារា​ចម្រៀង​ទោល​ ដែល​​មាន​បទ​ចម្រៀង​ឈរ​លើ​តារាង​ Billboard main album រយៈ​ពេល​៩​សប្ដាហ៍​ជាប់​ៗ​គ្នា។​

យោង​តាម​ការ​ផ្សាយ​ចុង​ក្រោយ​ដែល​ចេញ​កាល​ពីពេល​ថ្មីៗ​នេះ​ បាន​បង្ហាញ​ថា​បទ​ចម្រៀង​ក្នុង​អាល់ប៊ុម​ទោល​របស់​លោក​ដែល​មាន​ឈ្មោះ​ថា​ «Golden» បាន​ឈរ​លើ​លេខ​រៀង​ទី​២៨ នៃ​​តារាង​ Billboard 200 ចំនួន​៩​សប្ដាហ៍​។ បើ​តាម​ក្រុមហ៊ុន​ Bighit Music បាន​ឱ្យ​ដឹង​ថា​ «នេះ​គឺជា​ការ​ឈរ​​លើ​តារាង​ Billboard 200 បាន​យូរជាង​គេ​​សម្រាប់​តារា​ចម្រៀង​ទោល​»។

បទចម្រៀង​ដែល​មាន​ក្នុង​អាល់ប៊ុម​ Golden មាន​ដូច​ជា​ Standing Next To You  ក៏​ជា​បទ​ចម្រៀង​មួយ​ដែល​ស្ថិត​នៅ​លើ​តារាង​ Billboard Hot 100 រយៈ​ពេល​៩​សប្ដាហ៍ជាប់ៗ​គ្នា​ ដោយ​ស្ថិត​នៅ​លើ​លេខរៀងទី​៧០ ខណៈ​ដែល​បទ​ចម្រៀង​ «Seven» បាន​ត្រលប់​មកជាប់​ចំណាត់​ថ្នាក់​ Top 10 នៅ​លើ​តារាង​ Global 200 និង​ Global លើក​លែង​តែ​ US។

ក្នុង​នោះ​ក្រុមចម្រៀង​នារី​​ New Jeans ស្ថិត​នៅ​ចំណាត់​ថ្នាក់​ទី​១១០ លើ​តារាង​ Billboard 200 តាម​រយៈ​អាល់ប៊ុម​ Get Up។ ក្រុម​នេះ​ឈរ​លើ​តារាង​ជាប់ៗ​គ្នា​រយៈ​ពេល​ ២៤​សប្ដាហ៍ ដោយ​ការ​ជាប់​លើ​តារាង​ដំបូង​​កាល​ពី​ខែ​សីហា ឆ្នាំ​២០២៣ គឺ​ស្ថិត​ក្នុង​ចំណាត់​ថ្នាក់​ទី​១​ ធ្វើ​ឱ្យ​ក្រុម​នេះ​គឺជា​ក្រុម​ដែល​មាន​អាល់ប៊ុម​ចម្រៀង​ ​ជាប់​លើ​តារាង​បាន​យូរជាង​គេ​បំផុត​។ ដោយ​ឡែក​ក្រុម​ចម្រៀង​បុរស​រួម​មាន​ Stray Kids ស្ថិត​នៅ​លើ​ចំណាត់​ថ្នាក់​ទី​៣៣ តាម​រយៈ​អាល់ប៊ុម​ចម្រៀង Rock Star ក្រុម​ចម្រៀង​ ATEEZ ស្ថិត​នៅ​លើ​ចំណាត់​ថ្នាក់​ទី៩៧ តាម​រយៈ​អាល់ប៊ុម​ The World EP. Fin: Will  ចំណែក​ឯង​ Enhypen ស្ថិត​នៅ​ចំណាត់​ថ្នាក់​ទី១៣៤ តាម​រយៈ​អាល់ប៊ុម Orange Blood៕

Share.