សមាគមកីឡាបាល់ទាត់ក្រសួងមហាផ្ទៃ បានយកឈ្នះកងយោធពលខេមរភូមិន្ទ ខ ក្នុងលទ្ធផល ៣-២ នៅកីឡដ្ឋានស្តាតចាស់ នៃការប្រកួតពានរង្វាន់លីគទី២ កម្ពុជា Cambodian League 2 សម្រាប់សប្តាហ៍ទី១៥។

ខណ:ជំនួបរវាងក្លិបបាល់ទាត់ឡាយហ្វ ខេត្តព្រះសីហនុ ជួប ក្លិបបាល់ទាត់ អង្គរស៊ីធី នៅកីឡដ្ឋាន ឡាយហ្វ ខេត្តព្រះសីហនុ នៅថ្ងៃទី២៧ ខែមករានេះ ត្រូវបានលុបចោលការប្រកួតលេខ៥៧ សប្ដាហ៍ទី១៥ ដោយមូលហេតុ ក្លិបបាល់ទាត់អង្គរស៊ីធីបដិសេធមិនចូលរួមការប្រកួត និងបានបោះបង់ ការប្រកួត។ ហេតុដូច្នេះ ក្រុមហ៊ុនខេមបូឌានព្រីមៀរលីគ សម្រេចលុបចោលការប្រកួតទាំងស្រុង។
ដោយឡែកនៅថ្ងៃទី២៦ ខែមករា ក្រុមវិសាខា (ខ) បានត្រឹមស្មើជាមួយ អាយ អេស អាយ ដង្កោសែនជ័យ ខ ក្នុងលទញធផល ១-១ សម្រាប់ការប្រកួតពានរង្វាន់លីគទី២ កម្ពុជា Cambodian League 2 នៅសប្តាហ៍ទី១៥ នៅកីឡដ្ឋានព្រីនស៍៕


