នេះអាចចាត់ទុកជាដំំណឹងល្អមួយសម្រាប់បេក្ខនារីដែលមកចូលរួមប្រកួតប្រជែង Miss grand ថ្នាក់ខេត្តព្រោះលោក ផួង វណ្ណា PD តំណាងឱ្យខេត្ត រតនៈគីរី បានប្រកាសជាសាធារណៈថាបេក្ខនារីដែលប្រកួតក្នុងកម្មវិធីរបស់លោកមិនតម្រូវឱ្យត្រៀមអ្វីច្រើននោះទេ មានត្រឹមតែស្បែកជើងកែងចោទមួយគូ អាចចូលរួមប្រកួតបានហើយ។

មែនទែនទៅការប្រកួតសម្រស់នីមួយៗ បេក្ខនារីម្នាក់ៗក្រៅពីត្រៀមលក្ខណៈសម្បត្តិ អត្តចរិតឬកពារ រក្សារូបរាងឱ្យស្អាតសមរមស័ក្ដិសមជាអនាគត Queen មានទាំងចំណេះជំនាញនិងសមត្ថភាពផ្សេងៗ ដើរទន្ទឹមគ្នាហើយនោះ ការតុបតែងខ្លួន Make Up សំលៀកបំពាក់គឺជាចំណោទបញ្ហា និងឧបសគ្គដ៏ធំសម្រាប់បេក្ខនារីចូលរួមប្រកួត ព្រោះមានបេក្ខភាពខ្លះសុខចិត្តបោះបង់ចោលការប្រកួតវិញដោយសារតែមិនអាចរត់រួចនឹងថ្លៃចំណាយនានា។

ដោយមើលឃើញពីផលលំបាកនិងឧបសគ្គដែលបេក្ខនារីប្រកួតជាច្រើនជួបប្រទះទើបធ្វើឱ្យលោក ផួង វណ្ណា ដែលជា PD តំណាងឱ្យខេត្តរតនៈគិរី មិនអាចនៅស្ងៀមត្រូវតែលូកដៃចូលមកជួយដោះស្រាយបញ្ហាប្រឈមដ៏ចម្បងសម្រាប់បេក្ខនារីប្រកួត។ ដូច្នេះបេក្ខនារីប្រកួតថ្នាក់ខេត្ត ពិសេសគឺ Miss Grand Ratanakiri ប្រចាំឆ្នាំ២០២៤នេះ នឹងមានបញ្ហា ដូចបានរៀបរាប់ទាំងអស់ខាងលើនោះទេ ព្រោះអ្នករៀបចំកម្មវិធី បានប្រកាសតាមរយៈគណនីផ្ទាល់ខ្លួនថា៖ «សម្រាប់ Miss Grand Ratanakiri 2024 មានតែស្បែកជើងកែងចោទ១គូ គឺអាចចូលរួមប្រកួតបានដោយមិនចំណាយអ្វីទាំងអស់។ បងរៀបចំព្រោះដឹងថាប្អូនៗលំបាក ព្រោះបងធ្លាប់ឆ្លងកាត់បទពិសោធទាំងនេះ»

សូមជំរាបជូនថាកម្មវិធីប្រកួតផ្ដាច់ព្រ័ត្រ Miss grand Ratanakiri នឹងរៀបចំឡើងនៅចុងខែកុម្ភៈ ឆ្នាំ២០២៤ ខាងមុខនេះនៅទីតាំងអគារ Prince Huan Yu Centre ដោយមានបេក្ខនារីសុរបចំនួន១៣រូប នឹងចូលួមប្រកួតប្រជែងដណ្ដើមមកុដតំណាងឱ្យខេត្តរតនៈគិរី។

