​ពានរង្វាន់​បាល់ទាត់​សម្តេច​តេជោ ហ៊ុន សែន (Hun Sen Cup) ថ្នាក់ជាតិ រដូវកាល ២០២៣-២៤ ឈានដល់វគ្គ៨ក្រុមចុងក្រោយហើយ ខណ:មាន​កីឡាករ​ចំនួន​៤នាក់ រក​បាន​គ្រាប់​បាល់​ច្រើន​ជាង​គេ​បណ្តោះអាសន្ន ​ក្នុង​បញ្ជី​ដណ្តើម​ស្បែកជើងមាស Top Scorers។

សម្រាប់​​កីឡាករ​​ដែល​​រក​គ្រាប់​បាល់​បាន​ច្រើន​ជាង​គេ​បណ្តោះអាសន្ន​មាន៖

  • DE OLIVEIRA BASTOS JONATA របស់​វិសាខា រក​បាន​៤គ្រាប់
  • HUGO KAMETANI របស់ណាហ្គាវើលដ៍ រកបាន៤គ្រាប់
  • YOUSSEF EZZEJJARI LHASNAOUI របស់​វិសាខា រក​បាន​៤គ្រាប់
  • ដែត សុវណ្ណឌិច របស់​ភ្នំពេញក្រោន រក​បាន​៤គ្រាប់
  • ចាន់ វឌ្ឍនាកា របស់បឹងកេត រកបាន៣គ្រាប់
  • COULIBALY ABDEL KADER របស់​ISI រក​បាន​៣គ្រាប់
  • សំអុល ទីណា របស់​ISI រក​បាន​៣គ្រាប់
  • ហួយ ផល្លីន របស់​ព្រះខ័នរាជស្វាយរៀង រក​បាន​៣គ្រាប់។

សូម​បញ្ជាក់​ថា​តាំង​ពី​​សហព័ន្ធ​កីឡា​បាល់ទាត់​កម្ពុជា បង្កើត​ពានរង្វាន់ Hun Sen Cup ពី​ឆ្នាំ​២០០៧ មក​កីឡាករ ឃួន ឡាបូរ៉ាវី ធ្លាប់​ឈ្នះ​ស្បែក​ជើង​មាស​ច្រើន​ជាង​លើក​ជាង​គេ​រហូត​ដល់​​ទៅ​៤លើក​ម្នាក់​ឯង ហើយ​ គួច សុគុម្ភៈ ធ្លាប់​ឈ្នះ​បាន​២លើក​ម្នាក់​ឯង ក្រៅ​ពី​នោះ​សុទ្ធ​តែ​ធ្លាប់​ឈ្នះ​ម្នាក់​១លើក ដូចជា ហុក សុជីវ័ន្ត, សុក ចាន់រស្មី, ស្រី វាសនា, ចាន់ វឌ្ឍនាកា, ប្រាក់ មុន្នីឧត្តម, សួង វីរៈ, នួន បូរី, វ៉ា សុថន (ឃ្វីនទីន), វុត តុលា, កែវ សុខផេង និង សៀង ចន្ធា៕

Share.