ក្រោយការផ្ទៀងផ្ទាត់គ្នារវាងតួលេខអ្នកឆ្លងកូវីដ១៩នៅទូទាំងប្រទេសដែលប្រកាសដោយក្រសួងសុខាភិបាលនៅថ្ងៃទី១៨ខែសីហាឆ្នាំ២០២១នេះ និងតួលេខដែលទទួលបានមកពីតាមបណ្តាខេត្តមួយចំនួន មហាជនបានសម្តែងការសង្ស័យចំពោះ តួលេខឆ្លងសរុបនៃកូវីដ-១៩នៅទូទាំងប្រទេសសម្រាប់ថ្ងៃទី១៧ខែសីហា។
ភាពមន្ទិលសង្ស័យនេះកើតឡើងក៏ដោយសារតួលេខដែលប្រកាសដោយក្រសួងសុខាភិបាលនៅថ្ងៃនៅទូទាំងប្រទេសមានករណី ឆ្លងសរុបត្រឹមតែ៥៩៣នាក់ប៉ុណ្ណោះ ខណៈដែលតួលេខដែលផ្សព្វផ្សាយដោយរដ្ឋបាលខេត្តបន្ទាយមានជ័យបញ្ជាក់ថា មានអ្នកឆ្លងកូវីដ១៩រហូតដល់៦៨៩នាក់នៅក្នុងខេត្តជាប់ព្រំប្រទល់ថៃមួយនេះ។
គ្រាន់តែតួលេខឆ្លងថ្មីពីខេត្តបន្ទាយមានជ័យ១លើសតួលេខឆ្លងសរុបពីទូទាំងប្រទេសបាត់ទៅហើយ ។ចុះទម្រាំតែបូកសរុបតួលេខ មកពីតាមបណ្តាខេត្តដទៃទៀត តើនឹងមានចំនួនប៉ុន្មានពិតប្រាកដ?
