កាលពីថ្មីៗនេះ តារាសម្ដែងនិងជា Youtuber ដ៏ល្បីរបស់ថៃកញ្ញា Koy Arachaporn ត្រូវបានសាធារណជនចេញមកដាស់តឿននិងរិះគន់ ក្រោយតារាស្រីរូបនេះចេញមកផុស Story និយាយរឿងការវាស់ស្ទង់តម្លៃស្ត្រីដោយទឹកលុយ ខណៈសាមីខ្លួនវបានបញ្ចេញកាយល់ឃើញផ្ទាល់ខ្លួនថាការពិត គួរតែបញ្ឈប់រឿងឱ្យបណ្ដាការទៅខាងស្រីដែរទេ? ធ្វើឱ្យការយល់ឃើញមួយនេះត្រូវបានសាធារណជនចូលមករិះគន់យ៉ាងខ្លាំង។
កញ្ញា KOY តារាសម្ដែង អ្នកនិពន្ធអត្ថបទភាពយន្ត និងជាតារាសម្ដែងបានបញ្ចេញគំនិតផ្ទាល់ខ្លួនពាក់ព័ន្ធនឹងរឿងទាមទារថ្លៃបណ្ដារនិងមានការលើកឡើងថាបើចង់បានលុយបណ្ដាការ ត្រូវតែមានសមត្ថភាពនិងជំនាញឱ្យពូកែដូចគ្នា ដែលករណីនេះតារាល្បីរូបនេះចាត់ទុកថាជាការយកសមត្ថភាពស្ត្រីទៅប្រៀបធៀបជាមួយនឹងលុយ ដោយ KOY បានផុសសំណេរបញ្ចេញចំណាប់អារម្មណ៍ថា
«សម្រាប់ខ្ញុំគិតថា គួរតែបញ្ឈប់វប្បធម៌ជូនបណ្ដាការ គំនិតការវាស់សមត្ថភាពស្ត្រីដោយប្រាក់នឹងបានបញ្ចប់ គួរឱ្យរំខានណាស់ និយាយរួចហើយនឹងទៅសុំឱ្យសង្សារធ្វើម្ហូបឱ្យញ៉ាំ ព្រោះអត់ចេះធ្វើ»
ពាក្យប៉ុន្មានឃ្លាខាងលើរបស់ KOY បង្កើតឱ្យមានការជជែកវែកញែកខ្លាំងលើបណ្ដាញសង្គម ដោយមនុស្សមួយភាគធំ មិនបានយល់ស្រប នឹងការលើកឡើងរបស់ស្រីស្អាតរូបនេះនោះទេ ដោយមនុស្សភាគច្រើនយល់ឃើញការធ្វើបែបនេះគឺជាការឱ្យតម្លៃទៅខាងស្រី អ្នកខ្លះទៀតថែមទាំងហ៊ាននិយាយទៀតថា« ប្រសិនបើ KOY មិនចង់បានចង់ឱ្យគេទទេៗ ជារឿងរបស់ KOY អត់មានអ្នកណាហាមឃាត់ទេ» ខណៈអ្នកខ្លះទៀតលើកឡើងថា «អ្នកណាបាន តារាស្រីរូបនេះច្បាស់ជាសំណាងខ្លាំងព្រោះមិនចាំបាច់អស់លុយ» ជាដើម។ល។
នៅថ្ងៃទី១៨ ខែសីហា ឆ្នាំ២០២១ រឿងនេះត្រូវបាន NET IDOL ជាសេដ្ឋីនីមាត់ឆៅនៅប្រទេសថៃ ចូលមកដាស់តឿនតារាសម្ដែងស្រីដ៏ល្បីរូបនេះពាក់ព័ន្ធនឹងរឿងទទួលយកបណ្ដាការពីបុរសថា «ថ្លៃបណ្ដាការនេះអាចជាលុយដែលឪពុកម្ដាយដែលធ្លាប់ចិញ្ចឹមបីបាច់យើងអាចសន្សំទុកសម្រាប់ប្រើប្រាស់ពេលចាស់ទុំ ព្រោះអ្នកខ្លះពេលមានគ្រួសារខ្លួនឯង មិនអាចមានពេលវេលាត្រលប់មកមើលថែឪពុកម្ដាយបាន។ មួយវិញទៀតមនុស្សស្រីមិនមែនសុទ្ធតែពូកែដូច KOY អាចរកលុយបានដោយខ្លួនឯងនោះទេ ដូច្នេះកុំយកតែចិត្តយើង តែត្រូវគិតដល់អ្នកដទៃ ឬអ្នកដែលទន់ខ្សោយផង»។
ក្រោយត្រូវតារារៀមច្បង ចេញមក LIVE ដាស់តឿនបែបនេះ KOY បានបង្ហាញសញ្ញាណវិជ្ជមាន តាមរយៈការឆ្លើយតបអរគុណនិងផុសរូបតេទូរស័ព្ទនិយាយជាមួយនឹង Leena Jung ដោយទឹកមុខរីករាយ ព្រមទាំងភ្ជាប់ជាមួយនឹងសំណេរខ្លីអរគុណចំពោះការដាស់តឿនរបស់សេដ្ឋនីរូបនេះថែមទៀតផង៕
