គណៈកម្មាការប្រកួតបាល់ទាត់ជាតិកម្ពុជា (CNCC) បានបញ្ជាក់ថាពានរង្វាន់លីគកំពូលកម្ពុជា Merfone Cambodian League បានជូនដំណឹងប្រែប្រួលថ្មីនៃការបិទទ្វាទីផ្សារដោះដូរកីឡាករសម្រាប់ជើងទី២ ដោយបែងចែកសម្រាប់កីឡាករជាតិនិងកីឡាករអន្តរជាតិ។
ចំពោះការផ្ទេរកីឡាករជាតិ (Transfer Window 2) សម្រាប់ជុំទី២ នេះនឹងពន្យារពេលពីថ្ងៃទី ២០ ខែសីហា ទៅថ្ងៃទី១០ ខែកញ្ញា ឆ្នាំ២០២១វិញ។ ដោយឡែកចំពោះការផ្ទេរកីឡាករអន្តរជាតិ គណៈកម្មការប្រកួតបាល់ទាត់ជាតិកម្ពុជា នឹងរក្សាកាលបរិច្ឆេទថ្ងៃទី២០ ខែសីហា ឆ្នាំ២០២១ ឱ្យនៅដដែល។
សូមបញ្ជាក់ថាក្លិបនីមួយៗក្នុងលីគកំពូលកម្ពុជា អាចធ្វើការដោះដូរកីឡាកររបស់ខ្លួនក្នុងជើងទី២ នេះបានចំនួន៥នាក់ ដែលក្នុងនោះមានកីឡាករខ្មែរចំនួន៣នាក់ និងកីឡាករបរទេសចំនួន២នាក់ផងដែរ៕
